الماتى قالاسىنىڭ تىلدەردى دامىتۋ باسقارماسى «رۋحاني جاڭعىرۋ» باعدارلاماسىنىڭ اياسىندا مەملەكەتتىك قىزمەتشىلەر كۇنىنە وراي مەملەكەتتىك «مەملەكەتتىك ءتىل – مەملەكەتتىك قىزمەتتە» قالالىق بايقاۋىن وتكىزدى.
قازاق ءتىلىنىڭ قولدانىلۋ اياسىن كەڭەيتۋدى, مەملەكەتتىك ءتىل ساياساتىن ناسيحاتتاۋدى ماقسات ەتەتىن بايقاۋ الماتى قالاسىنىڭ التى اۋدانى بويىنشا وتكىزىلدى.
قاتىسۋشىلار مەملەكەتتىك ءتىل ساياساتىنا, ءتىل تۋرالى زاڭناما مەن مەملەكەتتىك باعدارلامالارعا قاتىستى سۇراقتارعا جاۋاپ بەرىپ, ءتىل تۋرالى قاناتتى سوزدەر, ماقال-ماتەلدەردى جاتقا ايتتى. قازاقستانداعى تانىمال جەرلەرگە قاتىستى سۇراقتارعا جاۋاپ بەرىپ, ءار توپ كەزەكپەن مۋزىكالىق تەاترلاندىرىلعان قويىلىمدا ونەرلەرىن كورسەتتى.
ءتىل سايىسى بارىسىندا الماتىنىڭ المالى اۋدانى باس جۇلدەنى جەڭىپ الدى. ال ءى ورىن الاتاۋ اۋدانىنىڭ, ءىى ورىن – جەتىسۋ, ءىىى ناۋرىزباي اۋدانىنىڭ ەنشىسىنە ءتيدى. «سالەمدەسۋ», «كەرەك دەرەك», ء«سوز مارجانى», «كيەلى مەكەن», «انا ءتىلىم – ءان-جىرىم» سياقتى بەس كەزەڭنەن تۇراتىن بايقاۋدا باق سىناپ, وزىپ شىققان مەملەكەتتىك قىزمەتكەرلەرگە ديپلومدار مەن باعالى سىيلىقتار تاپسىرىلدى.
ەلۆيرا سەرىكقىزى,
«ەگەمەن قازاقستان»