پرەمەر-مينيستر باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا كاسىپكەرلىك قىزمەتتى رەتتەۋدى جەتىلدىرۋ تۋرالى زاڭدى ىسكە اسىرۋ جونىندەگى شارالار قارالدى, دەپ حابارلايدى primeminister.kz.
بيىل 24 مامىردا مەملەكەت باسشىسى بيزنەس-ورتانى تۇبەگەيلى جاقسارتۋ جانە كەڭەيتۋگە, سونداي-اق اكىمشىلىك كەدەرگىلەر مەن بيزنەس شىعىندارىن قىسقارتۋعا باعىتتالعان كاسىپكەرلىك قىزمەتتى رەتتەۋدى جەتىلدىرۋ ماسەلەلەرى تۋرالى زاڭعا جاريا تۇردە قول قويدى.
ۇلتتىق ەكونوميكا ءبىرىنشى ۆيتسە-ءمينيسترى ر. دالەنوۆ جالپى زاڭدى ىسكە اسىرۋ ءۇشىن 146 زاڭعا تاۋەلدى اكتىنى قابىلداۋ قاجەتتىگىن ايتتى. ونىڭ ىشىندە «Doing Business» رەيتينگىسىندەگى قازاقستاننىڭ پوزيتسيالارىن جاقسارتۋ ماقساتىندا 24 نقا قابىلداۋ ۇلكەن ماڭىزعا يە.
ءبىرىنشى ۆيتسە-ءمينيستردىڭ ايتۋىنشا, زاڭعا تاۋەلدى بارلىق اكتىلەر ازىرلەنىپ, ولاردىڭ كوبىسى قازىرگى كەزدە مەملەكەتتىك ورگانداردا كەلىسۋ راسىمدەرىنەن ءوتۋ ساتىسىندا تۇر.
زاڭدى كەڭىنەن ءتۇسىندىرۋ ماقساتىندا 8 ماۋسىمنان باستاپ پاۆلودار, كوكشەتاۋ, الماتى, اقتوبە قالالارىندا جاقىن جەردەگى وڭىرلەردى تارتا وتىرىپ, كاسىپكەرلەر اراسىندا اقپاراتتىق-ءتۇسىندىرۋ ءىس-شارالارى جۇرگىزىلدى. اتالمىش جۇمىسقا جەرگىلىكتى اتقارۋشى ورگانداردىڭ, قر ۇكپ-نىڭ جانە ونىڭ وڭىرلىك پالاتالارىنىڭ وكىلدەرى, بيزنەس-قاۋىمداستىقتار, سونداي-اق بيزنەس وكىلدەرى قاتىستى.
«وسى جىلدىڭ شىلدە ايىندا رەتتەۋشىلىك ىقپالدى تالداۋ ينستيتۋتىن وڭىرلىك دەڭگەيگە دەيىن كەڭەيتۋگە بايلانىستى, جەرگىلىكتى اتقارۋشى ورگاندار ءۇشىن بىرقاتار كوشپەلى سەمينارلار وتكىزۋ جوسپارلانىپ وتىر. بۇل سەمينارلاردا جەرگىلىكتى ورگاندار ەنگىزىلەتىن رەتتەۋدىڭ شىعىنى مەن پايداسىن تالداۋ جانە باعالاۋ ءتارتىبىن وقىتۋدان وتەدى», — دەپ تۇيىندەدى ر. دالەنوۆ.
ينۆەستيتسيالار جانە دامۋ ءمينيسترى ج. قاسىمبەك, ءوز كەزەگىندە, يدم قىزمەتىنىڭ جاڭا باعىتىن — اەروناۆيگاتسيا جانە اۋەجاي بويىنشا تابيعي مونوپوليالار سالاسىن قۇقىقتىق رەتتەۋ ماقساتىندا — تۇتىنۋشىلارعا قىزمەت كورسەتۋ ستاندارتتارى; ينۆەستيتسيالىق باعدارلامالاردىڭ جوبالارىن قالىپتاستىرۋ جانە باعالاۋ ادىستەمەسى; كورسەتىلەتىن قىزمەتتەرگە ارنالعان تاريفتەر بويىنشا ۋاقىتشا تومەندەتۋ كوەففيتسەنتىنىڭ دەڭگەيىن ەسەپتەۋ ادىستەمەسى; كورسەتىلەتىن قىزمەتتەردىڭ, تاۋارلاردىڭ, جۇمىستاردىڭ تاريفتەرىن نەمەسە ولاردىڭ شەكتى دەڭگەيلەرىن كەمىتپەي ەسەپتەۋ ادىستمەسى; ازاماتتىق اۆياتسيا سالاسىنداعى تاريفتىك ساياسات جونىندەگى ساراپتامالىق كەڭەس بولىگىندە نورماتيۆتىك-قۇقىقتىق اكتىلەر ازىرلەنگەنىن مالىمدەدى.
قۇرىلىس سالاسىندا قۇرىلىس جوبالارىنا ء«بىر تەرەزە» قاعيداتى بويىنشا پورتالدى جانە اقپاراتتىق جۇيەلەردى ەنگىزۋ ءتارتىبىن ايقىندايتىن ەرەجەلەردى قابىلداۋ ۆەدومستۆودان تىس كەشەندى ساراپتاما جۇرگىزۋ مەن ۇيىمداستىرۋدى جەتىلدىرۋدى كوزدەيدى.
«ۇەم بىرلەسكەن 10 بۇيرىق تاۋەكەلدىلىك دارەجەسىن باعالاۋ كريتەريلەرىن جانە قۇرىلىس, ونەركاسىپتىك قاۋىپسىزدىك, تەحنيكالىق رەتتەۋ, گەولوگيا مەن كولىك سالالارىندا تەكسەرۋ تالاپتارىن ازايتۋ ءۇشىن تۇزەتۋگە جىبەرىلدى. ولاردى قابىلداۋ قاراشا ايىنا بەلگىلەنىپ وتىر», — دەپ ناقتىلادى ج. قاسىمبەك.
ەنەرگەتيكا ءمينيسترى ق. بوزىمباەۆتىڭ ايتۋىنشا, مۇناي-گاز, ەلەكتر ەنەرگەتيكاسى مەن اتوم ونەركاسىبى جانە قورشاعان ورتانى قورعاۋ سالاسى تۋرالى زاڭنىڭ قوسىمشا اكتىلەرىن تاۋەكەلدەردى باعالاۋ ولشەم شارتىنا ۇيلەستىرۋ ءۇشىن جەتى بيىل قاراشادا نقا قابىلدانادى. بۇدان وزگە, 2018 جىلدىڭ ماۋسىمىنان باستاپ, مۇناي-گاز سالاسىنىڭ ليتسەنزيالانعان قىزمەت تۇرلەرى تىزىمىنەن مۇناي-حيميا وندىرىستەرىن جوبالاۋ الىنىپ تاستالادى. نقا ءتيىستى جوباسى ازىرلەنىپ, مۇددەلى مەملەكەتتىك ورگاندار مەن ۇيىمدارعا كەلىسۋگە جىبەرىلگەن.
«قورشاعان ورتانى قورعاۋ سالاسىندا ەكى مەملەكتەتىك قىزمەتتى بىرىكتىرۋ ارقىلى قورشاعان ورتاعا ەميسسيا بەرۋ رۇقساتىمەن مەملەكەتتىك ەكولوگيالىق ساراپتامانىڭ قورىتىندىسىن بەرۋ ەندى ء«بىر تەرەزە» شەڭبەرىندە جۇزەگە اسىرىلادى. مەملەكەتتىك قىزمەت كورسەتۋ مەرزىمى 150 جۇمىس كۇنىنەن 45 جۇمىس كۇنىنە دەيىن قىسقارادى. ون جۇمىس كۇنى ىشىندە مەملەكەتتىك ەكولوگيالىق ساراپتاما جۇرگىزۋ كەزىندەگى ەسكەرتۋلەردى جويۋى ءۇشىن «ە-ليتسەنزيالاۋ» جانە «كەشەندى ەمەس ۆەدومستۆولىق ساراپتامالىق بىرىڭعاي اقپاراتتىق جۇيەسى» مەملەكەتتىك دەرەكتەر بازاسىنىڭ پورتالى ارقىلى تابيعات پايدالانۋشىلارىمەن اشىق ديالوگ جۇرگىزىلەدى», — دەدى ەنەرگەتيكا ءمينيسترى.
سونىمەن قاتار زاڭدا ەكولوگيالىق كودەكسكە تۇزەتۋلەر ەنگىزىلگەن, وعان سايكەس وكىلەتتى ورگان اپەللياتسيالىق كوميسسيا قۇرىپ, رەگلامەنتى, ەرەجەسى مەن قۇرامىن بەكىتەدى. اپەللياتسيالىق كوميسسيا قابىلداعان شەشىم ۇسىنىمدىق سيپاتتا بولادى.
ادىلەت ءمينيسترى م. بەكەتاەۆتىڭ ايتۋىنشا, بۇل زاڭ جىلجىمايتىن م ۇلىكتى تىركەۋ فۋنكتسيالارىن «ازاماتتارعا ارنالعان ۇكىمەت» مەملەكەتتىك كورپوراتسياسىنا بەرەدى. اتالعان فۋنكتسيانى بەرۋمەن قاتار, مەملەكەتتىڭ كورپوراتسيانىڭ سەنىمدى باسقارۋىنا «جىلجىمايتىن م ۇلىك رەگيسترى» گبد بەرىلەدى. باقىلاۋ جانە قۇقىقتىق قامتاماسىز ەتۋ فۋنكتسيالارى ادىلەت ورگاندارىنىڭ قاراۋىندا قالادى.
بۇدان وزگە, اتقارۋشىلىق ءوندىرىس پروتسەدۋرالارىن وڭتايلاندىراتىن تۇزەتۋلەر ەنگىزىلگەن. ينتەللەكتۋالدى مەنشىك ماسەلەسىندە كاسىپكەرلىك سۋبەكتىلەرىن باقىلاۋىنان الىنىپ تاستالدى: اۆتورلىق قۇقىق, ونەركاسىپتىك مەنشىك, سەلەكتسيالىق جەتىستىكتەر نىساندارىن, ينتەگرالدى ميكروسحەمالار توپولوگياسىن پايدالانۋ.
تاۋارلىق بەلگىنى, قىزمەت كورسەتۋ بەلگىسىن, تاۋاردىڭ شىعۋ ورنىنىڭ اتاۋىن نەمەسە فيرمالىق اتاۋىن پايدالانۋدى جانە ۇجىمدىق نەگىزدە م ۇلىكتىك قۇقىقتاردى باسقاراتىن ۇيىمداردىڭ قىزمەتىن باقىلاۋ ادىلەت مينيسترلىگىنىڭ قاراۋىندا قالدى.
«ادىلەت مينيسترلىگى زاڭعا تاۋەلدى نقا ءتيىستى تۇزەتىلەر ازىرلەدى. ولار ءتيىستى مەملەكەتتىك ورگاندار مەن ۇيىمدارعا كەلىسۋگە جىبەرىلدى», — دەدى م. بەكەتاەۆ.
جۇرگىزىلىپ جاتقان جۇمىستار تۋرالى اۋىل شارۋاشىلىعى ءبىرىنشى ۆيتسە-ءمينيسترى ا. ەۆنيەۆ باياندادى. كاسىپكەرلىك قىزمەتتى رەتتەۋدى جەتىلدىرۋ تۋرالى زاڭ اياسىندا اوك سالالارىن قامتيتىن 3 كودەكس پەن 10 زاڭعا وزگەرتۋلەر ەنگىزىلدى. ەنگىزىلگەن وزگەرىستەرگە بايلانىستى اوك سالاسىنداعى 16 زاڭعا تاۋەلدى اكتىنى بەكىتۋ قاجەت. قازىرگى كەزدە اتالعان زاڭعا تاۋەلدى اكتىلەردى مينيسترلىك ازىرلەپ جاتىر, ونى ا.ج. قاراشا ايىندا بەكىتۋ كوزدەلىپ وتىر.
وتىرىس بارىسىندا سونىمەن قاتار «اتامەكەن» ۇكپ باسقارما توراعاسى ا. مىرزاحمەتوۆ ءسوز سويلەدى.
ماسەلەلەردى قاراستىرۋ قورىتىندىسى بويىنشا قر پرەمەر-ءمينيسترى باقىتجان ساعىنتاەۆ وڭىرلەردە قابىلدانعان زاڭعا زور قولداۋ ءبىلدىرىپ وتىرعانىن ايتتى. كاسىپكەرلەر قاجەتتى نورماتيۆتىك-قۇقىقتىق اكتىلەردى جىلدام قابىلدانۋىن اسىعا كۇتىپ وتىر.
وسىعان بايلانىستى مينيسترلىكتەرگە قاجەتتى نقا قابىلداۋدى جەدەلدەتۋ جا»نە ولاردىڭ جوعارى ساپالى بولۋىن قامتاماسىز ەتۋ تاپسىرىلدى. بۇل ورايدا, ب. ساعىنتاەۆتىڭ وڭىرلەرگە ساپارى بارىسىندا بىلدىرىلگەن «اتامەكەن» ۇكپ جانە كاسىپكەرلەردىڭ بارلىق ەسكەرتپەلەرىن ەسكەرۋ قاجەت.
باقىلاۋ پرەمەر-ءمينيستردىڭ ورىنباسارى ە. دوساەۆقا جۇكتەلدى.