استانا قالاسىنىڭ 20 جىلدىق مەرەيتويى قارساڭىندا, الداعى 6 شىلدە كۇنى مادەنيەت جانە سپورت مينيسترلىگى, ۇلتتىق سپورت تۇرلەرى قاۋىمداستىعىنىڭ ۇيىمداستىرۋىمەن ەلوردا ىرگەسىندەگى «قازانات» اتشابارىندا «استانا كۋبوگى» ءۇشىن بايگە تۇرلەرىنەن جارىس وتەدى.
مينيسترلىكتىڭ ۇلتتىق سپورت تۇرلەرى جونىندەگى سالا ماماندارىنىڭ الدىن الا تاراتقان مالىمەتىنە جۇگىنسەك, ەلوردانىڭ داتالى تويىنا ورايلاستىرىپ وتىرعان جارىستا جۇيرىكتەر ەكى قاشىقتىق بويىنشا (الامان جانە توپ بايگە) سىنالادى. جارىستىڭ جالپى جۇلدە قورى – 20 ميلليون تەڭگە. ونى ۇسىنۋشى – استانا قالاسىنىڭ اكىمدىگى.
سونىمەن قاتار 25 شاقىرىمدىق الامان بايگەدەن وزىپ كەلگەن ات يەسىنە سايگ ۇلىگىن دۇرىس باپتاپ, وزدىرعانى ءۇشىن جەكەلەي 6,6 ميلليون تەڭگەنىڭ سىياقىسى بەرىلمەك. بۇل جارىستارعا بارلىق وبلىستار مەن استانا, الماتى, شىمكەنت قالالارى 2 جۇيرىكتەن قوسا الادى.
بەكەن قايرات ۇلى, «ەگەمەن قازاقستان»