استانا ساناۋلى جىلدار ىشىندە شارتاراپقا تانىلدى

1997 جىلى ەلباسىنىڭ باستاماسىمەن ەل ورتالىعى اقمولا قالاسىنا كوشىرىل­گەندە, بۇل شەشىمدى تۇسىن­بە­گەندەر تابىلدى. ول كەزدە قالا حالقىنىڭ سانى 300 مىڭ شاماسىندا عانا بولدى. سول كەزبەن سالىستىرعاندا 20 جىل ىشىندە اۋقىمدى شارالار اتقارىلدى, استانا – حالىقارالىق ورتالىققا اينالىپ, تۇرعىنداردىڭ سانى ميلليوننان اسىپ كەتتى.

تاريح ءۇشىن جيىرما جىل دەگەن وتە از مەرزىم. وسى از عانا مەر­زىم ارا­لىعىندا كوپتەگەن مەك­­تەپ­تەر, وقۋ ورىندارى, سپورت كەشەن­دەرى, اۋرۋحانالار, تۇر­عىن ۇي­لەر سالىندى. مۇنىڭ ءبارى استا­نانى دامىتۋ, حا­لىق­­­تىڭ تۇرمىسىن جاقسارتۋ ءۇشىن جا­­سالىپ جات­قان شارۋالار. ەلور­دا­مىزعا ميلليارد­تا­عان سوم­ا­نىڭ ينۆەستيتسياسى تارتىلدى.

قالانى ارالاي قالساڭىز, شاھاردىڭ كوركىنە تامساناسىز. كوككە موينىن سوزعان ءزاۋلىم عيماراتتار, جالت-جۇلت ەتكەن ويىن-ساۋىق ورتا­لىقتارى, زاماناۋي تەاتر, سپورت كەشەندەرى, داڭعىل جولدار بار. ويىن الاڭ­دارى, اۋلالار دا قازىرگى زامان­عا ساي جاسالعان. كەلە­شەكتە دە قالا كوركەيىپ, تالاي جاندى تامساندىراتىنى انىق.

استانانى كوشىرۋ تىكەلەي ەلباسىنىڭ باستاماسىمەن جۇزەگە استى. وسى شەشىم قا­بىل­­دانعاندا پرەزيدەنتكە وتە قيىن ءتيدى. پارلامەنتتە بۇل ماسەلە كوتەرىلگەندە ەل ورتا­لىعىن كوشىرۋگە كۇمانمەن قارا­عاندار كوپ بولدى. ينفرا­قۇرى­لىمى جوق, حالقى از, ترانس­پورتى مەن لوگيستيكاسى دامىماعان قالادا استانا سالۋ وتە قيىن شارۋا ەدى. قالا قۇرىلىسى­نا تارتىلاتىن ينۆەستيتسيانى قايدان الۋ­عا بولاتىنى دا بەلگىسىز بولا­تىن. وسىنداي ساتتەردە ەلبا­سى ەلوردانى كوشىرۋ تۋرالى ناقتى شەشىمىن ايتتى. پرە­زي­دەنتتىڭ جوسپارى دۇرىس بولعانىن ۋاقىت كورسەتىپ, قازىرگى تاڭدا سوعان كۋا بولىپ وتىرمىز.

استانادا كوپتەگەن جاھان­دىق شارالار ۇيىم­داستىرىلدى. ەۋروپاداعى قاۋىپسىزدىك جانە ىنتىماقتاس­تىق ۇيىمىنىڭ ءسامميتى, سيريا جونىندەگى استانا پروتسەسى, شان­حاي ىنتى­ماقتاس­­­تىق ۇيىمى­نىڭ, يسلام ىنتىماق­­تاس­تىعى ۇيى­مىنىڭ سامميتتەرى, ەكسپو-2017 حالىق­ارالىق مامان­دان­دىرىل­عان كورمەسى ءوتتى. ەلوردا تورىندە ۇيىم­داس­تىرىلعان وسىنداي ماڭىز­دى شارالار ەلىمىزدىڭ حالىقارا­لىق ارەناداعى ابىرويىن اسقاقتاتا تۇسكەنى انىق.

استانانى العاش كوشىرگەن ۋاقىتتا الەم جۇرتشىلى­عى مۇن­داي قالا بار ەكەنىن بىلە بەر­مەيتىن. پرەزيدەنت نۇرسۇلتان نازارباەۆپەن بىرگە ىسسا­پار­عا شىعا قالعاندا, ءتۇرلى فورۋمدار مەن سامميتتەردە ءاردايىم شاھار تۋرالى ايتىپ بەرەتىن ەدىك. استانا تۋرالى, قازاقستان تۋرالى ۇزاق اڭگىمەلەپ, اقپارات بەرگەننەن كەيىن عانا ينۆەستيتسيا قۇيۋعا قىزىعۋشىلىق تانىتىپ جاتاتىن.

قازىرگى تاڭدا استانانى شارتاراپتىڭ ءبارى بىلەدى. شەتەلگە شىققان ساپارىمىزدا استانادان كەلگەنىمىزدى ەستىسە, قالاعا كەلگەنىن, ۇناعانىن ايتىپ جاتادى. وسى ۋاقىتقا دەيىن الەمنىڭ 70-80 مەملەكەتىندە بولىپ, كوپتەگەن قالاسىن ارالادىم. الايدا سولاردىڭ ەشقاي­سىسىن ءوزىمىزدىڭ استاناعا تەڭ­گەرمەيمىن.

ەلوردامىزدىڭ وسىلاي كور­كەيۋى, حالىقتىڭ تۇر­مىسى جاق­سارۋى, البەت­تە, ەلبا­سى­نىڭ كورەگەن ساياسا­تىنىڭ ارقاسى ەكەنى انىق. وسى ورايدا, استانا تۇر­عىن­دارىن, قازاقستان حالقىن ەلور­دامىزدىڭ مەرەيتويىمەن شىن جۇرەكتەن قۇتتىقتايمىن. حالىقتىڭ ءال-اۋقاتى ءاردايىم جوعارى بولسىن! ەلىمىز ءوسىپ, وركەندەپ, كوركەيە بەرسىن!

تولەۋتاي سۇلەيمەنوۆ,

مەملەكەت جانە قوعام قايراتكەرى