بۇگىن بۋراباي كۋرورتتىق كەنتىندە قوعامدىق كەلىسىم جانە جالپىۇلتتىق بىرلىكتى نىعايتۋ بويىنشا وتكىزىلەتىن رەسپۋبليكالىق لەكتوري اياسىندا «قازاقتانۋ» عىلىمي-اعارتۋشىلىق جوباسىنىڭ تۇساۋى كەسىلدى.
جوبا العاش رەت قازاقستان حالقى اسسامبلەياسىنىڭ XXVI سەسسياسىندا كوتەرىلگەن بولاتىن. جوبا «رۋحاني جاڭعىرۋ»باعدارلاماسىن جۇزەگە اسىرۋ اياسىندا بارشا قازاقستاندىقتاردىڭ ورتاق مادەني كودىنىڭ, ءبىرتۇتاس قۇندىلىقتارىنىڭ جانە جالپىۇلتتىق تاريحي ساناسىنىڭ نەگىزىندە حالىقتىڭ بىرلىگىن نىعايتۋعا باعىتتالعان. سونداي-اق قازاقستان ەتنوستارىنىڭ اراسىندا «رۋحاني جاڭعىرۋ» باعدارلاماسىنىڭ جوبالارىن دامىتۋعا باعدارلانعان.
جيىندى اشقان قحا توراعاسىنىڭ ورىنباسارى – حاتشىلىق مەڭگەرۋشىسى ل.ا.پروكوپەنكو «عىلىمي-تانىمدىق «قازاقتانۋ» جوباسى - قازاق مادەنيەتىن, تاريحىن, فيلوسوفياسىن, سونداي-اق قازاق حالقىنىڭ قۇندىلىقتارىن بارلىق قازاقستاندىق ەتنوستار اراسىندا دارىپتەۋگە ارنالعان. بۇل جوباعا ەرەكشە كوڭىل بولىنىپ وتىر, جوبا بىرىڭعاي قۇندىلىقتاردى قالىپتاستىرۋعا ءوز ۇلەسىن قوسادى دەپ ويلايمىن », - دەدى.
سونداي-اق, ءىس-شارا شەڭبەرىندە «جەر تاريحى – ەل تاريحى» ەكسپەديتسياسى مەن «تاۋلاردى الاسارتپاي, دالانى اسقاقتاتايىق» جوبالارى جۇزەگە اسادى.
ءمادينا جالەلقىزى,
“ەگەمەن قازاقستان”