بۇگىنگىدەي جاھاندانۋ زامانىندا كوپ ءتىل بىلەتىن ادامنىڭ قوعامداعى الار ورنى دا ەرەكشە. وزگە ءتىلدى ۇيرەنۋ, ونى جەتىك مەڭگەرۋ — بۇل ەڭ الدىمەن حالىقارالىق قاتىناستار كەزىندە ايرىقشا ءرول اتقاراتىنى بارشامىزعا ايان. ءتىل – حالىقپەن بىرگە ءومىر ءسۇرىپ داميدى.
تىلدەر گارمونياسى دەگەنىمىز – تىلدەردىڭ ۇيلەسىمدە بىرلەسىپ ءومىر ءسۇرۋى. بۇل كوپۇلتتى مەملەكەتكە ءتان قۇبىلىس. ۇلتتاردىڭ ءبىر-بىرىنەن تىلدىك ايىرماشىلىعى ولاردىڭ كەڭىستىكتەگى گارمونيالىق بىرلىگىن دە قامتاماسىز ەتەدى. دۇنيەنىڭ سۇلۋلىعى, تابيعاتتىڭ كەرەمەتى – ونداعى سان الۋان تۇستەردىڭ گارمونياسى بولۋىمەن قۇندى دەسەك, ادامزاتتىڭ رۋحاني الەمنىڭ بايلىعى – ءارتۇرلى ۇلت مادەنيەتى مەن ۇلت تىلدەرىنىڭ گارمونيالى دامۋىمەن دە ەرەكشە.
«ۇشتىلدىلىك» باعدارلاماسىنىڭ نەگىزىندە قازاق ءتىلى, ورىس ءتىلى, اعىلشىن تىلدەرىن مەڭگەرۋ كوزدەلۋدە.
قازاق ءتىلى – مەملەكەتتىك ءتىل. ەلىمىزدىڭ تاۋەلسىزدىگىنىڭ نىشانى. قازاقستاننىڭ بولاشاعى – قازاق تىلىندە, ياعني قازاق ءتىلى – بولاشاقتىڭ ءتىلى.
ورىس ءتىلىن ءبىلۋ – تاريحي ارتىقشىلىعىمىز. ورىس ءتىلى ارقىلى قازاقستاندىقتار بىرنەشە عاسىر بويى قوسىمشا ءبىلىم الىپ, ەل ىشىندە دە, شەت جەرلەردە دە ءوز دۇنيەتانىمىندارى مەن ارالاساتىن ورتالارىن كەڭەيتىپ جاتىر.
اعىلشىن ءتىلىن مەڭگەرۋ – جاستارعا الەم تانۋدىڭ كىلتى بولماق. اعىلشىن ءتىلىن ءبىلۋ ءبىزدىڭ جاستارعا شەكسىز مۇمكىندىكتەر اشادى. ول – جاھاندانۋدىڭ كەپىلى.
وزگە ۇلت وكىلدەرىنىڭ تىلدەرىن وقىپ-بىلۋگە, ۇيرەنۋگە جاعداي جاساۋ ارقىلى ءار ءتىلدىڭ وزىندىك ەرەكشەلىگىن بىلەمىز, سالت-داستۇرىمەن تانىس بولامىز.
قازاقستاننىڭ تىلدەر ساياساتىنداعى باستى باعىت – تىلدەردىڭ ۇشتۇعىرلىلىعى. تىلدەردىڭ بىرلىك پەن ۇيلەسىمدە ءومىر ءسۇرۋى جانە ءبىر-ءبىرىن ىعىستىرماۋى تىلدەر گارمونياسىن قۇرىپ, سولاي اتالىپ تا ءجۇر. باسىمدىلىق مەملەكەتتىك تىلگە بەرىلىپ وتىرعانى بارشاعا بەلگىلى. اعىلشىن ءتىلىن مەڭگەرۋگە دە دەن قويىلۋدا. الايدا, قازاقستان جەرىندە تۇراتىن ازاماتتاردىڭ باسىن بىرىكتىرەتىن ءتىل رەتىندە قازاق ءتىلى كوش باستاۋى كەرەك.
اجار تۋلەۋباەۆا,
№4 تىلەمىس باتىر جالپى ءبىلىم بەرەتىن مەكتەبىنىڭ اعىلشىن ءتىلى ءپانىنىڭ مۇعالىمى
جامبىل وبلىسى
مەركى اۋدانى
اقتوعان اۋىلى