«الماتى حالىقارالىق اۋەجايى» اق پرەزيدەنتى ايبول بەكمۇحامبەتوۆ ءوز قىزمەتىنەن كەتتى. بۇل تۋرالى اۋەجايدىڭ فەيسبۋكتەگى پاراقشاسىندا جاريالاندى.
ديرەكتورلار كەڭەسىنىڭ شەشىمىنە سايكەس 2018 جىلدىڭ 11 ماۋسىمىنان ايبول بەكمۇحامبەتوۆ «الماتى حالىقارالىق اۋەجايى» اق پرەزيدەنتى قىزمەتىنەن ءوز ەركىمەن كەتتى. ايبول ءانۋار ۇلى اۋەجايدى 2009 جىلدان بەرى باسقارىپ كەلەدى.
ول 1962 جىلى اقتوبە قالاسىندا تۋعان, اقتوبە جوعارعى ازاماتتىق اۆياتسيا ۋچيليششەسىن بىتىرگەن. 1983 جىلدان ۇشقىش-ينسترۋكتور رەتىندە ەڭبەك جولىن باستاعان. ءار جىلدارى «اقتوبە حالىقارالىق اۋەجايى» اق, «اتىراۋ حالىقارالىق اۋەجايى» اق, «استانا حالىقارالىق اۋەجايى» اق باسقارىپ كەلگەن.
ونىڭ ورنىنا الماتى اۋەجايىن باسقارۋعا بولات ەرجانوۆ تاعايىندالدى. ول «الماتى حالىقارالىق اۋەجايى» اق تاسىمالداۋدى ۇيىمداستىرۋ بويىنشا اتقارۋشى ديرەكتور قىزمەتىن اتقارىپ كەلگەن.
ب.ەرجانوۆ 1966 جىلى پاۆلودار وبلىسىندا تۋعان. ومبى قالاسىنداعى ازاماتتىق اۆياتسيا ۇشقىشتار تەحنيكالىق ۋچيليششەسىن بىتىرگەن. ەڭبەك جولىن پاۆلودارداعى قازاق ازاماتتىق اۆياتسيا باسقارماسىندا باستاعان.