سىيلىقتار جاۋعان سالتاناتتى ءسات

بيىل وبلىستىڭ اۋىل­شا­رۋا­شىلىق ەڭبەككەرلەرى تا­بىس­تى جۇمىس ىستەدى. 731,0 مىڭ گەكتارعا اۋىلشارۋا­شى­لىق داقىلدارى ەگىلدى. ءوڭىر ديقاندارى ءار گەكتاردان ورتاشا 7,9 تسەنتنەر ءونىم الىپ, 453,3 مىڭ توننا استىق جي­نا­دى. سونداي-اق, 95,7 مىڭ توننا كارتوپ, 76,6 مىڭ توننا كوك­ونىس جانە 10,7 مىڭ توننا باق­شا ونىمدەرى ءوندىرىلدى. مال سانى ءوسىپ, ونىڭ ونىمدەرىن ءوندىرۋ الدىڭعى جىلدارعا قا­راعاندا اناعۇرلىم ارتتى. وب­لىستا وسى تابىستاردى دامىتۋ ارقىلى 2016 جىلى 16,0 مىڭ توننا ەتتى ەكسپورتقا شىعارۋ باعىتىندا جۇيەلى جۇمىس جۇرگىزىلۋدە. ۇدەمەلى يندۋس­تريا­لىق-يننوۆاتسيالىق دامۋ باعدارلاماسى اياسىندا ازىق-ت ۇلىك بەلدەۋىن ودان ءارى دامى­تۋ ماقساتىندا 2011 جىلى يندۋستريالاندىرۋ كارتاسىنا جالپى قۇنى 2,5 ميلليارد تەڭگە بولاتىن سەگىز جوبا ەنگىزىلدى. بۇل جوبالار ىسكە قوسىلعاندا قوسىمشا 3,5 مىڭ توننا ءسۇت, 360 مىڭ توننا قۇس ەتىن وندىرۋگە, ەكولوگيالىق تازا قوي ەتىن  ءوندىرۋدى 375 تونناعا ارتتىرۋعا مۇمكىندىك تۋادى. ءونىم كولەمىنىڭ يندەكسى ءۇس­تى­مىزدەگى جىلعى ون ايدا 100,5 پاي­ىزدى قۇرادى. وبلىستىڭ ءبىر تۇرعىنىنا شاققانداعى ەڭ­بەك ونىمدىلىگى 16 پايىزعا ءوسىپ, 123 مىڭ تەڭگە بولدى. بيىل ۇيىم­داس­تىرىلعان  256 اۋىل­شارۋا­شى­لىق جارمەڭكەسىندە 409,0 ميلليون تەڭگەنىڭ ءونىم­دەرى وتكى­زىل­دى. ولارداعى باعا كوممەر­تسيا­لىق بازارلارعا قا­راعاندا 15-30 پايىزعا ارزان بولدى. تاحاۋي احتانوۆ اتىنداعى وب­لىستىق دراما تەاترىندا ءوت­كەن اۋىل شارۋاشىلىعى قىزمەت­كەرلەرىنىڭ كاسىبي مەرەكەسىنە  جينالعاندار الدىندا وبلىستىق اۋىل شارۋاشىلىعى باسقارما­سى­نىڭ باستىعى مۇحتار جۇ­ماعازيەۆ وسىنداي تابىس­تار­دى بايانداي كەلىپ, الدا ات­قا­رىلار ىستەر مەن وزەكتى ءما­سە­لەلەرگە توقتالدى.  وبلىس اكى­مى ارحيمەد مۇحامبەتوۆ   سال­تاناتقا جينالعانداردى كا­سىبي مەرەكەلەرىمەن قۇتتىق­تاپ, بو­لاشاقتا  اۋىل شا­رۋا­شىلىعى سالاسىن دامىتۋدىڭ باسىم باعىتتارىن كەڭىنەن ءاڭ­گىمەلەدى. ءوڭىر باسشىسى ءبىر توپ اۋىل شارۋاشىلىعى وزات­تارىنا «قازاقستان رەسپۋب­لي­كاسىنىڭ تاۋەلسىزدىگىنە 20 جىل» مەرەكەلىك مەدالدارىن, اۋىل شارۋاشىلىعى مينيس­ترى­نىڭ قۇرمەت گراموتالارى  مەن العىس حاتتارىن, وبلىس اكىمىنىڭ العىس حاتتارى مەن باعالى سىيلىقتارىن تاپ­سىر­دى. سالتاناتتى شارادا ءوڭىر­دىڭ اۋىل شارۋاشىلىعى سا­لا­سىندا ۇزاق جىلدار جۇمىس ىستەگەن ەڭبەك ارداگەرلەرى دە باعالى سىيلىقتارمەن مارا­پات­تالدى. ساتىبالدى ءساۋىرباي, اقتوبە وبلىسى.