نازارباەۆ ۋنيۆەرسيتەتىندە بولدى

ۇكىمەت باسشىسى كارىم ءماسىموۆ نازارباەۆ ۋنيۆەرسيتەتىندە وتكەن قامقورشىلىق كەڭەسىنىڭ وتىرىسىنا قاتىس­تى. پرەمەر-مينيستر ۋنيۆەرسيتەتتىڭ عىلىم جانە تەحنولوگيالار مەكتەبىندە, قازاق ءتىلى كافەدراسىنىڭ تانىس­تى­رىلىمىنا قاتىسىپ, ارنايى قۇرالدارمەن جابدىقتالعان زەرتحانالارىن,  كىتاپحانا مەن ستۋدەنتتەردىڭ جاتاقحانا­سىن ارالاپ كوردى. قامقورشىلىق كەڭەسىنىڭ وتى­رىسىندا 2011 جىلعى ۋنيۆەرسيتەت قىزمەتىنىڭ نەگىزگى ءنا­تيجەلەرى قاراستىرىلدى.  سو­نىمەن قاتار وقۋ ورنىنىڭ داي­ىندىق ورتالىعىنداعى ۋنيۆەرسيتەت الدىنداعى باعدار­لا­ما بويىنشا وقۋعا قابىلداۋ ەرەجەلەرى مەن 2012 جىلعى ۋني­ۆەرسيتەت قىزمەتىنىڭ نەگىزگى باعىتتارى ايقىندالدى. نازارباەۆ ۋنيۆەرسيتەتى كەلەسى جىلى الەمنىڭ وزىق جوو-لارىمەن بىرگە حالىقارالىق ىن­تىماق­تاس­تىقتى ودان ءارى دا­مىتۋدى, وقۋ ورنىنىڭ وقى­تۋ­شى-پروفەس­سورلىق قۇرامىن وتاندىق جانە شەتەلدىك ۇزدىك وقىتۋشىلارمەن تولىقتىرۋدى, سونداي-اق جاڭا وقۋ جىلىندا ەكى جوعارى مەكتەپتى – بيزنەس جانە مەملەكەتتىك ساياسات مەكتەپتەرىن ۇيىم­داستىرۋدى, ۋنيۆەرسيتەت قۇرى­لى­سىنىڭ ەكىنشى كەزەگىن جال­عاستىرۋدى جوسپارلاپ وتىر. پرەمەر-مينيستر پايدالا­نۋ­عا بەرىلگەن جاڭا زەرتحانالار مەن كىتاپحانانى, ستۋدەنتتەر كورپۋسىن قاراپ شىقتى. جاڭا زەرتحانالاردا عىلىمي زەرتتەۋلەر مەن فيزيكا, حيميا, بيولوگيا, روبوتوتەحنيكا, مەحاترونيكا, ينجەنەريا سالا­سىن­داعى جاڭا ىزدەنىستەر ءجۇر­گىزىلەتىن بولادى. ۆەنەرا تۇگەلباي.