سەمەي قالاسىنداعى قازاق گۋمانيتارلىق-زاڭ يننوۆاتسيالىق ۋنيۆەرسيتەتىندە قازاقستان رەسپۋبليكاسى ۇكىمەتى قاۋلىسىنىڭ نەگىزىندە قازاقستان ارمياسىنا زاپاستاعى اسكەري قىزمەتشىلەردى دايىندايتىن اسكەري كافەدرا اشىلدى.
اسكەري كافەدرا جالپى اۋماعى 1,3 گەكتاردان استام جەردى الىپ جاتىر, مۇندا ءۇش قاباتتى وقۋ كورپۋسى, اسكەري تەحنيكا مەن قارۋ-جاراق ساقتايتىن بوكس, اتۋ ءتيرى, ستۋدەنتتەر اسحاناسى مەن ساپ تۇزەيتىن الاڭ ورنالاسقان. قازىرگى كەزدە اۋديتوريالاردى زاماناۋي وقۋ قۇرالدارىمەن جابدىقتاۋ جۇزەگە اسىرىلۋدا.
ءبىر ايتا كەتەرلىگى, بۇعان دەيىن جوعارى وقۋ ورىندارىندا اسكەري دايىندىق تەك ءبىر عانا جوعارى وقۋ ورنىندا مەديتسينالىق اسكەري-ەسەپتەگى ماماندىقتار بويىنشا جۇرگىزىلەتىن. الداعى جىلدىڭ قاڭتار ايىنان باستاپ مۇندا موتواتقىشتار بولىمشەسى, سونداي-اق ارتيللەريا جانە بايلانىس ماماندىقتارى بويىنشا وقىتۋ ىسكە اسىرىلماق.
اتقارىلىپ جاتقان شارالاردىڭ بارلىعى قازاقستان قارۋلى كۇشتەرى مەن باسقا دا اسكەرلەر مەن اسكەري قۇرالىمدارعا ءارتۇرلى پروفيلدەگى رەزەرۆ دايىنداۋعا مۇمكىندىك جاسايدى.
وكسانا پارپۋرا.