«كوكشەتاۋ مينەرالدى سۋلارى» اكتسيونەرلىك قوعامىن جەرگىلىكتى تۇرعىندار وسىلاي اتايدى
جەمىستى 20 جىل
ءبىزدىڭ كاسىپورنىمىز قازاقستان تاۋەلسىزدىگى جاريالانعان 1991 جىلى قۇرىلعانىن ماقتان ەتەمىز. ونىڭ قاينار باستاۋىندا كوكشەلىك ازامات, جەرگىلىكتى بيزنەس مايتالماندارىنىڭ ءبىرى اسقار قازىنابي ۇلى اليەۆتىڭ تۇرعانىن جەرلەستەرىمىز زور قۇرمەت سانايدى. جاس گەولوگ جىگىتتەر كۇرمەۋى قيىن كەزەڭدە سولتۇستىك وڭىردە بۇرىن بولىپ كورمەگەن سۋسىن ءوندىرىسىن قولعا العانى ەرلىككە تاتيتىن قۇبىلىس دەسەك تە بولادى.
گەولوگيالىق زەرتتەۋلەردىڭ ناتيجەسىندە قوشقارباي جانە بۋراباي قويناۋىنان باعالى قاينارلار تابىلىپ, الدىمەن «قۇلاگەر اراسان», 1996 جىلى «تۇران» سۋلارى شىعارىلا باستادى. الكوگولدى ونىمدەر قاتارى دا مولايا ءتۇستى. زاۋىتقا مىڭنان استام ادام جۇمىسقا تارتىلىپ, ولاردىڭ تابىسى دا تولىعۋ ۇستىندە. كاسىپورىننىڭ قۋاتتانۋى باسەكەلەستىك ارناسىنداعى نارىق قاتىناستارىن كەڭىتتى. ءبىزدىڭ ماركەتينگ جانە ءونىمدى تاراتۋ قىزمەتىنىڭ ىزدەنىستەرى ناتيجەسىندە 2001-2007 جىلدار ارالىعىندا استانا, قوستاناي, پەتروپاۆل, الماتى, پاۆلودار, ەكىباستۇز, سەمەي جانە وسكەمەن قالالارىندا فيليالدارىمىز بەن وكىلدىكتەرىمىز اشىلدى. قازىرگى كۇنى ەلىمىزدىڭ سولتۇستىك ورتالىق اۋماعىندا 10 فيليالىمىز, باتىس جانە وڭتۇستىك قازاقستاندا 9 ديستريبيۋتەرلىك جۇيەمىز, سونداي-اق, كورشىلەس رەسەيدە ساۋدا وكىلدىگىمىز جۇمىس ىستەۋدە.
اكتسيونەرلىك قوعام سوڭعى ءتورت جىلدا تەحنيكالىق جانە تەحنولوگيالىق جاڭعىرتۋلارعا ايرىقشا دەن قويۋدا. زاۋىتىمىزدىڭ وندىرىستىك الاڭدارى ەلەۋلى ۇلعايىپ, اۆتوماتتى جۇيە قالىپتاستى. زەرتحانالارىمىز زامانالىق قۇرالدارمەن جابدىقتالعان. وسىنىڭ ناتيجەسىندە تۇتىنۋشىلارىمىزعا ونىمدەرىمىزدىڭ جۇزدەن استام ءتۇرىن ۇسىنىپ وتىرمىز.
زاۋىتتا ونىمدەر بەس جەلىلىك سيپاتقا بىرىكتىرىلگەن. اسىرەسە, گەرمانيانىڭ «Krones» فيرماسىنىڭ الكوگولسىز سۋسىندار قۇيۋ جۇيەسى ورتاق ماقتانىشىمىز سانالادى. ول ساعاتىنا 12 مىڭ شولمەك شىعاراتىن قۋاتقا يە. ۇدەمەلى يندۋستريالىق-يننوۆاتسيالىق دامۋ باعدارلاماسى شەڭبەرىندە, نەبارى 10 ايلىق رەكوردتىق مەرزىمدە, بيىلعى شىلدە ايىندا پايدالانۋعا بەرىلگەن جەلى جەتىستىكتەرىمىزگە سەرپىن بەرگەنى ايقىن. سونداي-اق, وسى جوبا اياسىندا قازاقستاندا ءبىرىنشى بولىپ سۋدى ميكروبيولوگيالىق سۇزگىدەن وتكىزەتىن «Pall» قوندىرعىسى ورناتىلعانىن ايتا كەتۋىمىز ءجون.
جالپى, زاۋىتىمىزدىڭ جىلىنا 45 ميلليون ليتر الكوگولسىز جانە 1,5 ميلليون ءسپيرتتى ونىمدەر شىعاراتىنىن ەسكەرسەك, ەكونوميكالىق-الەۋمەتتىك جەتىستىكتەر رەزەرۆىنىڭ كەڭدىگىن اڭعارۋعا بولادى. بۇل ءوندىرىستى نىعايتۋعا 880 ميلليون تەڭگە ينۆەستيتسيالىق قارجى سالىنعانىنىڭ ارقاسى دەۋىمىز كەرەك. تۇپكى قايتارىم دا كوڭىلدەگىدەي. جىل سايىن 9 ميلليارد تەڭگەنىڭ ءونىمىن ساۋدا اينالىمىنا تۇسىرەتىن كاسىپورىن جىل ىشىندە 2,5 ميلليارد تەڭگەنى سالىق تۇرىندە اۋدارىپ وتىر.
وسىناۋ ىرگەلى كورسەتكىشتەرىمىز «كوكشەتاۋ مينەرالدى سۋلارى» اكتسيونەرلىك قوعامىنىڭ نىق قادامدارىن ايقىندايدى. قازاقستان تاۋەلسىزدىگىنىڭ 20 جىلدىعى ونىمەن قۇرداس كاسىپورىنعا كوپتەگەن مىندەتتەر مەن جاۋاپكەرشىلىك جۇكتەيتىنىن تۇسىنەمىز. سوندىقتان, ىنتىماقتى ۇجىمىمىز ەل مەرەيىن ەسەلەۋ جولىندا ەكپىندى ىستەرىمەن تانىلا بەرەتىنى ءسوزسىز. كوك بايراقتى ەلىمىزدىڭ باستى مەرەكەسى قۇتتى بولسىن, قادىرلى وتانداستار!
الەكساندر سامويلوۆ, «كوكشەتاۋ مينەرالدى سۋلارى» اق پرەزيدەنتى.
ماقسات – تىرشىلىكتى شىرايلاندىرۋ
قالامىزدا جۇرتشىلىق “الەۋمەتتىك قولايلىلىق ارالى” اتاپ كەتكەن كاسىپورىن بار. ول – “كوكشەتاۋ مينەرالدى سۋلارى” اكتسيونەرلىك قوعامى دەر ەدىك.
ماسەلە تۇپكى ناتيجەدە دەسەك, سونىڭ ءبىر ماڭىزدى تارماعى – الەۋمەتتىك تۇرپاتتاعى كاسىپورىننىڭ ادامدار تىرشىلىگىن شىرايلاندىرۋداعى وڭ قادامدارىنان كورىنىس بەرەدى. رەسپۋبليكامىزدا الەۋمەتتىك-كاسىپكەرلىك كورپوراتسيالار تۋرالى پىكىر ءپىسىپ-جەتىلىپ, ەلباسى جولداۋىنداعى باستى مىندەتكە اينالسا, كوكشەلىك كاسىپورىن بۇل باعىتتى ءوزى قۇرىلعان 1991 جىلدان بەرى ۇستانىپ كەلەدى دەسەك, ەش ارتىقشىلىعى جوق. وسىنداعى 1000 ادامنىڭ ءبىر باۋىرعا اينالىپ, كاسىپورىننىڭ وتىزعا جۋىق حالىقارالىق ديپلومدى جەڭىپ الۋى, ەلباسىمىزدىڭ ۇجىمداعى جاقسى ۇمتىلىستارعا ءتانتى بولۋى ءسوزىمىزدىڭ دالەلى ىسپەتتى. اق ديرەكتورلار كەڭەسىنىڭ توراعاسى اسقار اليەۆ كاسىپكەرلىك قوزعالىستاعى تابىس جيىنتىعى قاراپايىم قاعيداتتاردى ساقتاۋدان قۇرالاتىندىعىن ايتادى. ماسەلەن, ءۇش شارت مۇلتىكسىز ورىندالۋى ءتيىس. تەك قانا ساپالى ءونىم شىعارۋ, ەكىنشىدەن, سالىق پەن باسقا دا وتەمدەردى تولەۋ ءتارتىبىن قاتاڭ ساقتاۋ, وسى ارقىلى مەملەكەتتى قولداۋ, ۇشىنشىدەن, وندىرىستىك م ۇلىك پەن جابدىقتاردى مۇقيات ۇستاۋمەن بىرگە, ەڭبەك ۇجىمىنا الەۋمەتتىك كومەك كورسەتىپ, قامقورلىق اياسىن كەڭىتۋ. نارىقتىق قاتىناستاردى نىعايتىپ, بيزنەس الەمىن اجارلاندىرۋدىڭ بۇدان باسقا كىلتى جوق.
ماسەلەن, 2005 جىلى كاسىپورىننىڭ الەۋمەتتىك پاكەتى 40 ميلليون تەڭگەنى قۇراسا, بيىل بۇل ەكى ەسەدەن استى. ونىڭ ۇستىنە, ەلباسىنىڭ حالىقتىڭ ءال-اۋقاتىن كوتەرۋگە قاتىستى باستامالارى بىردەن قولداۋ تاۋىپ جاتاتىنى قۋانتادى. ءسابيلى بولعان انالار 25 مىڭ تەڭگە كولەمىندە ءبىر مەزەتتىك كومەك الا باستادى. بۇعان قوسىمشا, ولارعا 10 اي بويىنا ورتاشا ەڭبەكاقى كورسەتكىشىمەن وتەماقى تولەنىپ كەلەدى. سونداي-اق, كاسىپورىن مۇشەلەرىنىڭ ايەلدەرى مۇندا جۇمىس ىستەمەسە دە, ەرلەرگە ءبىر مەزەتتىك ماتەريالدىق كومەك جاسالادى. بۇل ۇرپاق وسىرۋدەگى اكەنىڭ ابىرويىن كوتەرەتىنى انىق.
“كوكشەتاۋ مينەرالدى سۋلارى” جشس ىسكە اسىرىپ جاتقان الەۋمەتتىك شارالار 20 تارماقتان تۇرادى. جۇمىسشىلاردىڭ تۇرعىن ءۇي ساتىپ الۋىنا بىلتىر پايىزسىز نەسيەلەر بولىنگەنى ۇلگى الارلىق جاردەم. ۇجىمدا ۇزبەي جەتى جىل جۇمىس ىستەسەڭىز بولدى, قوسىمشا يگىلىكتەردى پايدالاناسىز. مۇنىڭ ءوزى, كوپ جەردەگىدەي, ارداگەر ۇعىمىن شاۋ تارتقان شاقتا ەسكە الۋ قاساڭدىعىن جويادى, تاربيەلىك ماڭىزى دا ءبىر توبە.
سەرىكتەستىك قالانىڭ اۆتوبۋس قاتىنامايتىن شالعاي تۇكپىرىندە ورنالاسقان. مۇنى دا كەزىندە جالىندى جاستارعا قولداۋ كورسەتپەگەن شەنەۋنىكتىك كەدەرگىلەردىڭ سالدارى دەپ ساناعان ءجون. بىراق, مۇندا جۇمىس قولىنا زارۋلىك بولعان ەمەس. كونكۋرسپەن ىرىكتەپ الادى. قازىر شەتەلدىك قولايلى اۆتوبۋستارمەن كەتىپ بارا جاتقان ءجۇزى جايدارى جاندارعا ءبارىمىز قىزىعا قارايمىز. تاماق تا تەگىن. داستارحاننان جىل بويى كوكونىس ۇزىلمەيدى. وزدەرىنىڭ كوكونىس وسىرەتىن جىلىجايلارى بار. ونىڭ ۇستىنە, جەكەلەگەن تسەحتاردىڭ جۇمىسشىلارىنا ارنايى تاعام بەرىلەدى. بۇعان جىل ىشىندە بىرنەشە ميلليون تەڭگە قاراجات جۇمسالىپتى.
ۇجىم مۇشەلەرىنىڭ الاڭسىز ەڭبەگى وتباسىنداعى جىلىشىرايلى مورالدىق جايلىلىقپەن قاتار, وندىرىستىك سەرپىن اكەلەتىنى بەلگىلى. اسقار قازىنابي ۇلى بولاشاقتى ءبىلىمدى جاستار جايناتاتىنىن ءجيى ايتادى. سوندىقتان, ارىپتەستەرىنىڭ بالاباقشالار مەن مەكتەپتەردەگى بالالارىنىڭ مىنەز-قۇلقى, ساباق ۇلگەرىمىنە دەيىن حابار الىپ وتىراتىن داستۇرگە قىزىعاسىڭ. بۇل ەندى اقشالاي كومەكپەن جالعاسىپ كەلە جاتقانى تۇسىنىكتى. وتكەن جىلى عانا سەرىكتەستىك قازاقستان مەن رەسەيدىڭ جوعارى وقۋ ورىندارىندا ءدارىس الاتىن ستۋدەنتتەرگە ەكى ميلليون تەڭگە كولەمىندە قولداۋ جاساسا, سىرتتاي وقيتىندارعا جارتى ميلليون تەڭگەلىك كومەك كورسەتتى. بۇعان قوسىپ ايتارىمىز, ءتىرشىلىكتىڭ كەدىر-بۇدىر تۇستارىندا جۇمىسشىلارعا 5 ميلليون تەڭگەنىڭ ماتەريالدىق كومەگى كورسەتىلسە, وزدەرىنە بەكىتىلگەن زەينەتكەرلەرگە 7,2 ميلليون تەڭگەنىڭ دەمەۋشىلىك قاراجاتى جاراتىلدى. ءاربىر كاسىپورىن جىل ىشىندە وسىنشالىقتى قايىرىمدى قۇشاعىن اشا بەرسە قانە, شىركىن! بۇل جشس ۇجىمىنىڭ ارقايسىسىنا شاققاندا ورتاشا ەڭبەكاقىنىڭ ايىنا 99 مىڭ تەڭگەدەن اينالىپ تۇرعانداعى جاعداي.
ارينە, اق قايىرىمدىلىق قۇرىلىم ەمەس, بىراق, قاجەت جاعدايدا دەمەۋشىلىك قولىن سوزۋ ومىرلىك قاعيدات قۇندىلىعى. قالالىقتاردان جولدانىپ جاتاتىن العىس حاتتار كوپتىگى دە وسىدان. جالپى, كوڭىلدى شىنايى تۇرعىداعى نارىقتىق قۇرىلىمدار ءوز ارباسىن ءوزى سۇيرەيتىن جاعدايعا جەتىپ قانا قويماي, مەملەكەتتىڭ تىرەگىنە اينالىپ وتىرعاندىعى قۋانتادى.
ارىپتەستەر لەبىزى
انتون مور, «ءنوۆوسىبىر ەكران زاۋىتى» ااق-تىڭ كوممەرتسيالىق ديرەكتورى:
– ەكونوميكانىڭ دامۋىمەن قاتار نارىق تالابىنداعى باسەكەلەستىك تە وسە تۇسەتىنى بارشاعا ءمالىم. بۇل ورايدا كوپ جىلداردان بەرگى تۇراقتى دا سەنىمدى ارىپتەسىمىز «كوكشەتاۋ مينەرالدى سۋلارى» (كمۆ) اكتسيونەرلىك قوعامى ۇنەمى الدا كەلە جاتقانى ءبىزدىڭ دە ابىرويىمىزدى كوتەرىپ وتىرعانىن ايتقىم كەلەدى.
ءبىز تالعامى بيىك تۇتىنۋشىلارعا قىزمەت ەتەمىز. تاۋاردى ۇسىنۋداعى ماڭىزدى تالاپتىڭ ءبىرى – ءونىمنىڭ سورەلەرگە قانداي ىدىستا, قانداي ديزاين مەن فورمادا ورنالاستىرىلاتىنىنا دا بايلانىستى. «كمۆ» ونىمدەرىنىڭ اسسورتيمەنتتىك قاتارىندا وتىزدان استام تاۋار ءتۇرى بار. مۇنى كوزتارتارلىق ەتىپ ۇسىنۋدىڭ ءوزى ۇلكەن شىعارماشىلىق جۇمىس دەسەك, ارتىقتىعى جوق. ال, ءبىز 10 جىلدان بەرى كوكشەتاۋلىق ارىپتەستەرىمىزگە زاۋىتىمىزدا دايىندالعان ءارتۇرلى قالىپتاعى شىنى شولمەكتەردى كىدىرىسسىز جەتكىزىپ وتىرمىز.
مەن ۇجىم اتىنان قازاقستان تاۋەلسىزدىگىنىڭ 20 جىلدىعى قارساڭىندا كوكشەتاۋعا ارنايى شاقىرىلىپ, «كوكشەتاۋ مينەرالدى سۋلارىنىڭ» 20 جىلدىق تويىنا قاتىسقانىمدى ۇلكەن قۇرمەت ءارى جاۋاپكەرشىلىك سانايمىن. بەرەكەلى بايلانىسىمىز نىعايا بەرسىن.
اللا بروديانسكي, «ESAROم» (اۆستريا) كومپانياسىنىڭ قازاقستانداعى وكىلدىگىنىڭ ديرەكتورى:
– كەز كەلگەن ەلدى ەرەن ەڭبەگىمەن, ۋاقىتپەن ۇندەس ىزدەنىستەرىمەن تانىلعان ۇجىمدار عانا الەمگە تانىتا الادى. سولاردىڭ قاتارىندا عاجايىپ تابيعات قويناۋىنداعى «كوكشەتاۋ مينەرالدى سۋلارى» اق تا بار. ءبىزدى سەنىمدى ارىپتەسىمىزدىڭ قازاقستان تاۋەلسىزدىگىنىڭ بەل بالاسى ەكەندىگى, وسىناۋ 20 جىلدىق ۇلىق مەرەكەگە تەلەگەي تابىستارمەن كەلىپ وتىرعاندىعى قۋانتادى.
مەن جاڭا «كمۆ – ساپا. سەنىمدىلىك. جاۋاپكەرشىلىك.» اتالاتىن ارنايى ءفيلمدى تاماشالادىم. 20 جىلدىڭ ءاربىر بەلەسى قيىندىقتاردى جەڭۋ, جاڭالىققا ۇمتىلۋ, ەڭبەك زەينەتىن كورۋ قۋانىشىنا تولى ەكەندىگىنە قانىقتىم. قازىر مۇندا 60 ءتۇرلى الكوگولسىز سۋسىندار دايىندالادى, ال ايىنا 3 ميلليون دانا اسەم قۇتىلار ساۋدا سورەلەرىنە جونەلتىلەدى. بۇل وراسان زور ەڭبەك. ءبىزدىڭ فيرمامىزدىڭ ۇلەسى دە تولىمدى ەكەنىن وسىدان-اق كورۋگە بولادى.
سەرگەي ۆويتكو, «رەت استانا» كومپانياسىنىڭ باس ديرەكتورى:
– الەم نازارىنداعى استانانىڭ رىنوگىنا ەنۋ كەز كەلگەن تاۋار ءوندىرۋشى ءۇشىن ۇلكەن مەرەي. ەلىمىزدىڭ سولتۇستىك وڭىرىندەگى سۋسىن ءوندىرىسىنىڭ كوشباسشىسى «كوكشەتاۋ مينەرالدى سۋلارى» اق العاشقى كۇننەن باستاپ باس قالا تۇرعىندارىنىڭ قۇرمەتىنە بولەنگەن ۇجىم بولىپ تابىلادى. مىنە, ءبىزدىڭ دە ارىپتەستىك بايلانىسىمىز 12 جىل بويى ۇزدىكسىز جالعاسىن تاۋىپ وتىر.
اكتسيونەرلىك قوعامنىڭ ءوندىرىستى دامىتىپ, تەحنولوگيالىق تۇرعىداعى جاڭعىرتۋلارعا ەلەۋلى ينۆەستيتسيا قۇيىپ وتىرعاندىعى بۇل بايلانىستىڭ بەكەمدىگىن دالەلدەيدى. قازىر استانانىڭ كەز كەلگەن ساۋدا نۇكتەلەرىنەن كوكشەتاۋدا شىعارىلعان مينەرالدى سۋلار مەن شىرىنداردى كوپتەپ كەزدەستىرۋگە بولادى. ءبىز بۇعان نيەتتەستىك تىلەكپەن قۋانامىز.
تاعى ءبىر ايتا كەتەتىن جاعداي, كوكشەلىكتەردىڭ ءوز ارىپتەستەرىنە قۇرمەتپەن قارايتىندىعى. قازاقستان تاۋەلسىزدىگىنىڭ قۇرداسى «كوكشەتاۋ مينەرالدى سۋلارى» اق باسشىلىعىنىڭ مەنى ارنايى ديپلوم جانە ەسكەرتكىش سىيلىقپەن ماراپاتتاۋى وسىنى دالەلدەيدى.
ايقارما بەتتى دايىنداعان – «ەگەمەن قازاقستاننىڭ» اقمولا وبلىسى بويىنشا مەنشىكتى ءتىلشىسى باقبەرگەن امالبەك.