وبلىستىق ىشكى ىستەر دەپارتامەنتىنىڭ مالىمەتىنشە, بۇل كۇندەرى وبلىس ورتالىعىندا جول اپاتىنىڭ الدىن الۋ ماقساتىندا «جول قاۋىپسىزدىگى اپتالىعى», «سەنىڭ جولاۋشىڭ – بالا»! اتتى رەيدتىك شارالار ۇيىمداستىرۋدا.
قالانىڭ كەيبىر كوشەلەرىنە اپاتقا ۇشىراعان كولىكتەر ورنالاستىرىلادى. ءار كولىككە «ۇيالى تەلەفونمەن سويلەستىم», «باعدارشامنىڭ قىزىل جولاعىنا ءوتىپ كەتتىم!, «قارسى جولاققا شىعىپ كەتتىم», «كولىككە ماس كۇيىندە وتىردىم», «كولىك جىلدامدىعىن اسىردىم», «ەسىڭدە بولسىن! جول ورتاسىندا سەنىڭ بالاڭ قالۋى مۇمكىن!» دەگەن ساقتىق باننەرلەرى جازىلادى.
وبلىستىق ىشكى ىستەر دەپارتامەنتىنىڭ مالىمەتىنشە, وسى جىلدىڭ العاشقى توقسانىندا تىركەلگەن 163 جول-كولىك وقيعالارىنا ۇشىرعان 214 ادام ءتۇرلى دەڭگەيدە دەنە جاراقاتىن الىپتى. 15 ادام قايتىس بولىپتى. سونىمەن بىرگە, مالىمەت بويىنشا جول-كولىك وقيعاسىندا 33 بالا جاراقاتتانسا, 91 جاياۋ جۇرگىنشى جول اپاتىنا ۇشىرادى. التى ادام قايتىس بولىپ, 89 ادام ءتۇرلى دەڭگەيدە دەنە جاراقاتىن العان.
فاريدا بىقاي, «ەگەمەن قازاقستان»