ن.پوگودين اتىنداعى ورىس دراما تەاترىندا اۋىل شارۋاشىلىعى قىزمەتكەرلەرى كۇنىنە ارنالعان سالتاناتتى جيىن ءوتتى. وندا وبلىس اكىمىنىڭ ءبىرىنشى ورىنباسارى ايداربەك ساپاروۆ بايانداما جاساپ, اۋىل شارۋاشىلىعى سالاسىنداعى جەتىستىكتەر مەن الداعى مىندەتتەردى جان-جاقتى سارالاپ بەردى. قىزىلجار ءوڭىرىنىڭ ديقاندارى ەگىنشىلىك سالاسىندا بۇرىن-سوڭدى بولماعان تابىستارعا جەتتى. 8,8 ميلليون توننا استىق جيناپ, ەل تاۋەلسىزدىگىنىڭ 20 جىلدىعىنا تارتۋلادى. مال شارۋاشىلىعى دا وركەندەپ كەلەدى. القالى باسقوسۋدا قازاقستاننىڭ ەڭبەك ەرلەرى گەننادي زەنچەنكو, رۋسلان مولدابەكوۆ, ع.مۇسىرەپوۆ اۋدانىنىڭ اكىمى مارات تاسماعامبەتوۆ, تاعى باسقالار سويلەپ, ارىپتەستەرىن كاسىبي مەرەكەمەن قۇتتىقتادى.
«وراق-2011» ناۋقانىنىڭ قورىتىندىسى جاريا ەتىلىپ, گەكتار ونىمدىلىگىن 28,2 تسەنتنەردەن اينالدىرعان تيميريازەۆ اۋدانى جەڭىمپاز دەپ تانىلدى. وعان «تايوتا-لاند كرۋيزەر» جەڭىل كولىگى تابىس ەتىلدى. ەكىنشى, ءۇشىنشى ورىنداردى قىزىلجار جانە ەسىل اۋداندارى ءبولىستى.
ءومىر ەسقالي,
سولتۇستىك قازاقستان وبلىسى.