ۇزدىكتەردى ماراپاتتادى

«باس رەداكتورلار كلۋبى» قازاقستاننىڭ 2011 جىلعى ەڭ ۇزدىك رەداك­تورلارى مەن جۋرناليستەرىن جانە شەتەل تىلشىلەرىن ماراپاتتادى. «Central Asiا Monitor» گازە­تى­نىڭ باس رە­داكتورى بيگەلدى عاب­دۋل­لين رەسپۋبليكالىق باق ارا­سىندا, «وتىرار» تەلەديدارىنىڭ (وڭتۇستىك قازاقستان وبلىسى) باس رەداكتورى زاۋرە ورالباەۆا اي­ماق­تىق باق اراسىنداعى ەڭ ۇزدىك رەداكتور اتاندى. ال «ۆرەميا» گا­زەتىنىڭ ءتىلشىسى گەننادي بەنديتسكي رەس­پۋبليكالىق باق ارا­سىن­دا ەڭ ۇزدىك جۋرناليست اتاعىنا يە بولسا, باتىس قازاقستاننىڭ «قا­­زاق­ستان» تەلەارناسى فيليالى­­­­نىڭ ءتىلشىسى دانيار رامازانوۆ (ورال قالاسى) ايماقتىق باق اراسىندا ەڭ ۇزدىك جۋرناليست اتاندى. سونىمەن قاتار, «باس رەداكتورلار كلۋ­­­بى» بيىل العاش رەت «ەۋ­­رازيانىڭ التىن قالامى» اتتى ءجۇل­دە تاعايىنداعان بولاتىن. اتالمىش جۇلدەگە رەسەي, بەلارۋس جانە قىرعىزستاننىڭ جۋرناليستەرى يە بولدى. ولار «نەزاۆيسيمايا گازەتا» (ماسكەۋ قالا­سى) با­­سى­لىمىنىڭ شولۋشىسى ۆيك­توريا پانفيلوۆا, «نارودنايا گازەتا» (مينسك قالاسى) با­سى­لى­مىنىڭ باس رەداكتورى ۆلاديمير اندري­ە­ۆيچ جانە قىرعىزستان «ازات­تىق راديوسى» رەداكتسيا­سى­نىڭ ءتىلشىسى جاناربەك اكاەۆ. ماراپاتتاۋ ءراسىمى استانادا ءوتتى. بەرىك سادىر.