ماڭعىستاۋدا جەمقورلىق جايلى سەمينار-كەڭەس وتكىزىلدى

كەڭەستە قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ مەملەكەتتىك قىزمەت سالاسىنداعى باقىلاۋ باسقارماسىنىڭ باسشىسى نۇربول دولداشەۆ اۋماقتىق ينسپەكتسياسىنىڭ جانە وعان قاراستى قالالىق, اۋداندىق بولىمشەلەرىنىڭ قىزمەتكەرلەرى قاتىستى مەملەكەتتىك قىزمەت سالاسىن باقىلاۋ بويىنشا بايانداما جاسادى.

ونىڭ ايتۋىنشا, اعىمداعى  جىلدىڭ ءبىرىنشى توقسانىندا جەكە جانە زاڭدى تۇلعالاردان 57 ءوتىنىش تۇسكەن. ونىڭ 38 قۇزىرەت شەگىندە قارالىپ, 14 ءتيىستى ورگاندارعا جولدانعان. 18 ءوتىنىش بويىنشا جانە 2 ءىشىنارا تەكسەرۋ (بارلىعى 20) جۇرگىزىلىپ, ناتيجەسىندە 38 زاڭبۇزۋشىلىق انىقتالىپ, ولاردى جويۋ تۋرالى 18 ۇسىنىستار ەنگىزىلدى.

الەۋمەتتىك جەلىلەردە جاريالانىپ جاتقان سىني ماقالالارعا مونيتورينگ جۇرگىزۋ, قىزمەتتىك كولىكتەردى قىزمەتتەن تىس ۋاقىتتا پايدالانۋ, مەملەكەتتىك قىزمەتشىلەردىڭ شەكتەۋلەردى ساقتاماۋى بويىنشا, ياعني جەكە جانە زاڭدى تۇلعالاردان سىيلىقتار الۋ دەرەكتەرىنىڭ جولىن كەسۋ بويىنشا اتقارىلعان جۇمىستار تۋرالى ايتىلدى.

سونىمەن قاتار, مەملەكەتتىك قىزمەتشىلەردىڭ ادەپتىلىگىن كوتەرۋ ماقساتىندا جاعداياتتىق مىسالدار نەگىزىندە بەرىلگەن «مەملەكەتتىك قىزمەتشىنىڭ ادەبى جانە مىنەز-ق ۇلىق نورمالارى» نۇسقاۋلىعىنىڭ (pocketbook) تالابى تولىقتاي ءتۇسىندىرىلدى. 

مەملەكەتتىك كورسەتىلەتىن قىزمەتتەر باسقارماسىنىڭ باس مامانى ەرشات وڭايباەۆ, ينسپەكتسيا قىزمەتكەرلەرىنە مەملەكەتتىك قىزمەتتەردى كورسەتۋ كەزىندە قىزمەت الۋشىلارعا ساپالى ءارى كاسىبي قىزمەت كورسەتۋدى قاجەتتىگىن تىلگە تيەك ەتتى.

سونداي-اق, مەملەكەتتىك قىزمەتشىلەرمەن مەملەكەتتىك قىزمەتتەردى ەلەكتروندى تۇردە الۋلارىنا باعىتتالعان كۇندەلىكتى تۇرمىستا قاجەتتى قىزمەتتەردى ۇيالى تەلەفوننىڭ كومەگىمەن نەمەسە ءبىر رەتتىك قۇپياسوزبەن الۋ مۇمكىندىگى جانە  ءۇشىنشى تۇلعانىڭ اتىنان انىقتاما الۋ تۋرالى ارنايى بەينەروليكتەر كورسەتىلدى.

2017 جىلى جانە 2018 جىلدىڭ 5 اي ارالىعىنداعى ادەپ جونىندەگى كەڭەستە وبلىستىق اۋماقتىق ينسپەكتسياسىنا قاراستى مەملەكەتتىك قىزمەتشىلەرگە قاتىستى تارتىپتىك ىستەر قارالعان جوق.

گۇلايىم شىنتەمىرقىزى,

 «ەگەمەن قازاقستان».

 ماڭعىستاۋ وبلىسى