دەنساۋلىق ساقتاۋ ءمينيسترى ەلجان ءبىرتانوۆ قاسكەلەڭدەگى جۇقپالى اۋرۋلار ەمحاناسىنا تەكسەرىسپەن بارىپ, ونىڭ جابىلۋىن تالاپ ەتتى.
ەمحانانىڭ جاعدايى جونىندە ءبىرتانوۆ: “بۇل ەمحانىڭ ناۋقاستاردى ەمدەۋگە جاعدايى جوق. سول سەبەپتى, ەمحانانى جاۋىپ, مىندەتتەرىن قاسكەلەڭ قالاسىنىڭ ورتالىق ەمحاناسىنا اۋدارۋ ماسەلەسىن قاراستىرامىز. ەمحانانى تەكسەرىستەن وتكىزۋ كەزىندە ناۋقاس بالالاردىڭ انالارىمەن تىلدەستىك. ولاردىڭ ايتۋى بويىنشا, جەدەل جاردەم قىزمەتىن قىرىق مينۋت بويى كۇتۋگە تۋرا كەلدى. بۇل جونىندە اۋدان باسشىسىنا ەسكەرتۋ جاسالىنىپ, جەدەل جاردەم قىزمەتىن كۇشەيتۋ شارالارىن قولعا الۋدى تاپسىردىق”, دەدى.
الماتى وبلىسىنىڭ تۇرعىندارى اتالعان ەمحانانىڭ قىزمەتىنە شاعىمدانىپ, بۇرىن دا حابارلانعان.