نازارباەۆ زياتكەرلىك مەكتەپتەرىنىڭ « ۇلى دالا مۇراگەرلەرى» جوباسى جەزقازعان وڭىرىندە دە ءوتتى. تاجىريبەنى تاراتۋ اياسىنداعى شاراعا نازارباەۆ زياتكەرلىك مەكتەپتەرىنىڭ ءبىلىم بەرۋ باعدارلامالارى, پەداگوگيكالىق شەبەرلىك, سونداي-اق پەداگوگيكالىق ولشەمدەر ورتالىقتارىنىڭ قىزمەتكەرلەرى جانە تالدىقورعان, اتىراۋ, قاراعاندى قالالارىنداعى مەكتەپتەرىنىڭ وقۋشىلارى مەن مۇعالىمدەرى قاتىستى. بالالارعا, اتا-انالارعا, مۇعالىمدەرگە جانە پەداگوگيكا ارداگەرلەرىنە ارنالعان شارانى قاراعاندى وبلىسىنىڭ اكىمدىگى مەن وبلىستىق ءبىلىم باسقارماسى ۇيىمداستىردى.
العاشقى كۇنى مەكتەپ كەرۋەنى ۇلىتاۋ اۋدانىنا ايالدادى. «قولدايىق, اۋىل مەكتەبىن!» اكتسياسى اياسىندا زياتكەرلىك مەكتەپ وقۋشىلارى ۇلىتاۋ كەنتىنىڭ №1 ورتا مەكتەبىندەگى قۇرداستارىمەن كەزدەستى. جەرگىلىكتى پەداگوگتارعا قاراعاندىلىق ارىپتەستەرى زياتكەرلىك مەكتەپتەر تاجىريبەسىن تاراتۋ بويىنشا اۋقىمدى باعدارلامالار كەشەنىن ۇسىندى. وندا ادىستەمەلىك كەڭەس بەرۋ, شەبەرلىك ساعاتتار, وقىتۋدىڭ جاڭارتىلعان مازمۇنى مەن كريتەريالدى باعالاۋ تۋرالى ترەنينگتەر بولدى. ال جەزقازعان قالاسىنداعى №8 ورتا مەكتەپ-گيمنازياسىنا ساتباەۆ, بالقاش, جاڭاارقا, ۇلىتاۋ كەنتتەرى مەن باسقا دا اۋدانداردىڭ مۇعالىمدەرى جينالدى.
ءپان مۇعالىمدەرىنە ءۇش تىلدىك ءبىلىم بەرۋ, ءبىلىم بەرۋدى تسيفرلاندىرۋ, كريتەريالدى باعالاۋ, جاڭارتىلعان مازمۇنداعى وقۋلىقتار باعىتىندا شەبەرلىك سىنىپتارى ءوتتى. جۇيەلىك-ادىستەمەلىك كەشەندە جينالعان ماتەريالداردى جۇكتەۋ ءۇشىن كونسۋلتاتسيالىق سايتتار مەن جۇكتەۋ بولىمدەرى جۇمىس ىستەدى. سول كۇنى قاراعاندىلىق دەلەگاتسيا قارتتار ۇيىنە بارىپ, ارداگەرلەرگە كونتسەرت ۇيىمداستىردى, كىتاپتار مەن سىيلىقتار تارتۋ ەتتى. ءۇشىنشى كۇنى ورتالىق الاڭدا بالالاردىڭ شىعارماشىلىق جۇمىستارى, ياعني كەراميكا, كىلەم توقۋ, كەسكىندەمە, گرافيكا جانە باسقا دا قولونەر بۇيىمدارى ۇسىنىلعان «شەبەرلەر قالاسى» كورمەسى ۇيىمداستىرىلدى. اجەلەر ۇجىمى كيىز توقۋ بويىنشا شەبەرلىك-سىنىبىن ازىرلەدى. «قارا جورعا» فلەشموبى, ەكوۆەلوشەرۋى, «جەزقازعان ءوڭىرىن دامىتۋ ءۇشىن نە قاجەت؟» تاقىرىبىنداعى TEDx, «قازاقتىڭ ءجۇز ءانى», «100 كىتاپ», «100 كۇي» الەۋمەتتىك جوبالارى قورىتىندىسى بويىنشا ازىرلەنگەن جۇمىستار تانىستىرىلدى.
مەملەكەتتىك رامىزدەر كۇنى اياسىندا ءوتىپ, ايماقتىق «رۋحاني جاڭعىرۋ» ۇلتتىق باعدارلامالار تىزىمىنە ەنگەن « ۇلى دالا مۇراگەرلەرىنىڭ» ەپيتسەنترى قالالىق دوستىق ءۇيى بولدى. مۇندا نازارباەۆ زياتكەرلىك مەكتەپتەرى وقۋشىلارىنىڭ عىلىمي, الەۋمەتتىك جانە شىعارماشىلىق جوبالارىنىڭ ۇلكەن كورمەسى اشىلدى. قازاقستان تاريحىنداعى ماڭىزدى وقيعالاردى كورسەتكەن اتىراۋ زياتكەرلىك مەكتەبىنىڭ كولەڭكە تەاترى, تالدىقورعان مەكتەبىنىڭ ۆاسيلي يزوسيموۆتىڭ باسشىلىعىنداعى حورى, قاراعاندى مەكتەبىنىڭ دومبىرا وركەسترى, ۇلى جىبەك جولىنىڭ ومىرىنەن حورەوگرافيالىق قويىلىمنىڭ قاتىسۋشىلارى جانە باسقا دا جاس تالانتتار كورەرمەندەردىڭ شىنايى ىقىلاسىنا بولەندى. قاراعاندى وبلىسىنىڭ اكىمى ەرلان قوشانوۆ نازارباەۆ زياتكەرلىك مەكتەپتەرىنىڭ دەسانتتارى مەن « ۇلى دالا مۇراگەرلەرى» شىعارماشىلىق ەسەبى جەزقازعان وڭىرىنە جوعارى كوڭىل كۇي سىيلاپ, رۋحاني سىلكىنىس جاساعانىن اتاپ ءوتتى.