باتىس قازاقستان وبلىستىق ءماسليحاتىنىڭ شەشىمىمەن ورال قالاسىنىڭ №5 شاعىن اۋدانى – قادىر مىرزا ءالي, وسىعان دەيىن «تجج-1», «تجج-2» اتالىپ كەلگەن شاعىن اۋداندار – «كوكجيەك», «سارىارقا» شاعىن اۋداندارى اتالاتىن بولدى.
ورال قالاسىندا ەكى جىل بۇرىن اشىلعان 10 مىڭ ادام سىياتىن جاڭا الاڭ – «قازاقستان رەسپۋبليكاسىنىڭ تۇڭعىش پرەزيدەنتى» الاڭى اتاۋىن الدى.
سونداي-اق وبلىس ورتالىعىندا سوڭعى جىلدارى پايدا بولعان «جۇلدىز», «كوكجيەك», «سارىارقا» شاعىن اۋداندارىنداعى 80-نەن اسا كوشەگە جاڭا اتاۋ بەرىلدى. جاڭا اتاۋلاردىڭ ىشىندە التىن وردا, تۇران, وتىرار, سىعاناق, تۇركىستان, جىبەك جولى سەكىلدى تاريحي اتاۋلار, قورقىت اتا, ارىستانباب سىندى اڭىز تۇلعالار, شىڭعىس حان, تاۋكە حان, ابىلاي حان, شىعاي حان سەكىلدى بيلەۋشىلەر, قاراساي, وسپان, كەيكى سىندى باتىرلار, باۋبەك بۇلقىشەۆ, احمەت جۇبانوۆ, ورالحان بوكەي, قايىم مۇحامەدحانوۆ سياقتى ونەر-مادەنيەت قايراتكەرلەرىنىڭ ەسىمى بار.
بۇعان قوسا ءوڭىر باسشىسىنىڭ ۇسىنىمى بويىنشا وبلىستىق مəسليحاتتىڭ شەشىمىمەن قىزىلوردا وبلىسىنىڭ əكىمى قىرىمبەك كوشەرباەۆ پەن پارلامەنت سەناتىنىڭ دەپۋتاتى بىرعانىم Əيتىموۆاعا «باتىس قازاقستان وبلىسىنىڭ قۇرمەتتى ازاماتى» اتاعى بەرىلدى.
قازبەك قۇتتىمۇرات ۇلى, «ەگەمەن قازاقستان»
باتىس قازاقستان وبلىسى