حالىقارالىق بالالاردى قورعاۋ كۇنىنە وراي قاراعاندىنىڭ ورتالىق ساياباعىندا وتباسى جانە ماحاببات پەن ادالدىق اللەيالارى اشىلدى.
ونداعى ماقسات – وسى باق جولىندا كەيىن كوپشىلىك شارالار ۇيىمداستىرۋ ارقىلى وتباسىلىق قۇندىلىقتاردى ناسيحاتتاۋ, قالا حالقىن اسەمدىككە, تۇرعىلىقتى جەرىنە دەگەن قۇرمەتكە شاقىرۋ. مادەني-ەستەتيكالىق جوبانى «رۋحاني جاڭعىرۋ» باعدارلاماسىنىڭ اياسىندا, وبلىستىق ىشكى ساياسات باسقارماسىنىڭ الەۋمەتتىك تاپسىرىسىمەن, «قاراعاندى وبلىسىنىڭ كاسىپكەرلەر قاۋىمداستىعى» ۇيىمداستىرىپ وتىر.
وتباسى اللەياسىن «گيلديا 3-S» جشس دايىنداسا, ماحاببات پەن ادالدىق اللەياسىن جاستار – قاراعاندى, تەمىرتاۋ, شاحتينسك قالالارىنداعى كوللەدجدەردىڭ ستۋدەنتتەرى ءوز قولدارىمەن جاساعان.
– جوباعا جاستاردىڭ ۇلەس قوسقانىنا قۋانىشتىمىز. وسى «رۋحاني جاڭعىرۋ» باعدارلاماسى بويىنشا جاسالىپ جاتقان جۇمىستاردىڭ ءبارى جاس ۇرپاقتىڭ كەلەشەگى ءۇشىن, – دەدى اشىلۋ سالتاناتىندا قاراعاندى وبلىستىق ىشكى ساياسات باسقارماسى باسشىسىنىڭ ورىنباسارى گۇلنار قاسەمباەۆا.
«رۋحاني جاڭعىرۋ» جوبالىق توبىنىڭ جەتەكشىسى گۇلنار قۇربانباەۆا جاڭا باق جولدارىن جاساۋعا اتسالىسقان ستۋدەنتتەرگە, كاسىپكەرلەرگە, قالا تۇرعىندارىنا جانە «قاراعاندى مادەنيەت جانە دەمالىس ساياباقتارى باسقارماسى» كمك-ءنىڭ قىزمەتكەرلەرىنە العىس ءبىلدىردى.
جاڭا باق جولىنا ىرىمداپ, جاقىندا عانا وتاۋ قۇرعان جاس جۇبايلار جانبولات اتارجانوۆ پەن اينۇر دۇيسەباەۆا الدىمەن اياق باستى.
اللەيانى دايارلاۋ بارىسىندا ستۋدەنت جاستار اراسىندا ساكىلەردى بەزەندىرۋ شەبەرلىگىنە بايقاۋ جاريالانعان بولاتىن. سالتاناتتى شارا سوڭىندا سول بايقاۋدىڭ قورىتىندىسى شىعارىلىپ, جەڭىمپازدارعا سىي-سياپاتتار تابىس ەتىلدى.
قايرات ءابىلدا, «ەگەمەن قازاقستان»
قاراعاندى