الماتى قالاسى ءىىد ءباسپاسوز قىزمەتىنەن حابارلاعانىنداي, الماتى قالاسى دەنساۋلىق ساقتاۋ باسقارماسى تۇركسىب اۋدانى جاسوسپىرىمدەر ءىسى پوليتسياسىمەن بىرلەسىپ «قايىرىمدىلىق – بارشاعا ورتاق» اكتسياسىن ۇيىمداستىردى.
اكتسيانىڭ ماقساتى – مىنەز-قۇلقىندا اۋىتقۋشىلىعى بار بالالار تاربيەلەنەتىن ورتالىقتاعى بالالاردى مەديتسينالىق كەشەندى تەكسەرۋدەن وتكىزۋ. اكتسيا اياسىندا سونىمەن قاتار الەۋمەتتىك جاعدايى تومەن وتباسىلاردىڭ دا بالالارى قامتىلدى. ماماندار تەكسەرۋى بارىسىندا بالالاردىڭ دەنساۋلىعى قالىپتى ەكەندىگى انىقتالدى.
تۇركسىب اۋدانىنىڭ جاسوسپىرىمدەر ءىسى بويىنشا پوليتسياسى سونىمەن قاتار جاعدايى تومەن وتباسىلاردى ارالاپ, ازىق-ت ۇلىك, كيىم-كەشەكتەرمەن قاتار بالالارعا ارنالعان تاتتىلەر دە ۇلەستىردى. مۇنداي شارا قالانىڭ اۋەزوۆ اۋدانىندا جالعاسىن تاپتى. ال بوستاندىق اۋدانىندا اۋداندىق ىشكى ىستەر باسقارماسى قىزمەتكەرلەرى بالالار ۇيىنە بارىپ, ارنايى سىي-سياپاتتار ۇلەستىردى. مەرەكە كۇنى ءاربىر بالا ءوزى قالاعان سىيلىقتارعا يە بولىپ, قىزىقتى كونتسەرت تاماشالادى.
ەلۆيرا سەرىكقىزى,
«ەگەمەن قازاقستان»
الماتى