بۇگىن الماتى قالاسى وڭىرلىك كوممۋنيكاتسيالار قىزمەتىندە «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ الماتى قالاسى فيليالىنىڭ ديرەكتورى داستان جانتەليەۆ اتالمىش ۇيىمنىڭ الماتىداعى دەپارتتامەنتتەرىنىڭ بىرىگۋى مەن تسيفرلاندىرۋ باعىتىنداعى جۇمىستارىنا قاتىستى اقپاراتتارمەن ءبولىستى.
«ازاماتتارعا ارنالعان ۇكىمەت» كورپوراتسياسىنىڭ ماڭىزدى ستراتەگيالىق باعىتتارىنىڭ ءبىرى – ازاماتتار مەن بيزنەسكە تسيفرلىق نۇسقادا قىزمەت كورسەتۋ.
مامىر ايىندا كورپوراتسيا قۇرىلعان 2 جىل ىشىندەگى وڭتايلاندىرۋ مەن ترانسفورماتسيالانۋدىڭ ءتورتىنشى كەزەڭى ءوتىپ, الماتى قالاسى فيليالىندا دا بىرقاتار وزگەرىستەر ءجۇردى. «حالىققا قىزمەت كورسەتۋ ورتالىعى», «جەر كاداسترى جانە جىلجىمايتىن م ۇلىكتى تەحنيكالىق تەكسەرۋ» جانە «الەۋمەتتىك تولەمدەردى مەكەمەارالىق ەسەپتەۋ» دەپارتامەنتتەرى بىرىگىپ, ءبىر قۇرىلىمعا اينالدى. وسىلايشا, ءبىر ورتالىققا بىرىكتىرۋ جۇيەسى, قۇرىلىمداردىڭ قايتالانۋىن بولدىرماي, فرونت-كەڭسەلەردە تسيفرلىق قىزمەت الۋعا جاعداي جاساۋعا باعىتتالدى. وزىنە-ءوزى قىزمەت كورسەتۋ سەكتورىندا ازاماتتار ءوز بەتىنشە ەتسق الۋعا ءوتىنىم بەرۋگە, سونداي-اق 700-دەن استام ەلەكتروندىق قىزمەت پەن سەرۆيستەر الۋعا مۇمكىندىگى بار. جىل باسىنان بەرى «Connection Point» ارقىلى 519315-نان اسا كەڭەس بەرىلىپ, 590863 ادام وزدىگىمەن قىزمەت العان.
الماتى قالاسىنداعى بارلىق فرونت-كەڭسەلەردە ازاماتتارعا تسيفرلىق قىزمەت كورسەتۋ سەكتورلارى ىسكە قوسىلدى. المالى اۋداندىق حقو قازىرگى باعىتقا لايىقتالىپ وزگەرتىلگەنىن ايتۋىمىزعا بولادى. حقو ەلەكتروندىق قىزمەتتەردى الۋعا ارنالعان 37 ورىندىق تسيفرلىق قىزمەتتەر سەكتورىمەن, 4 قوعامدىق قول جەتكىزۋ پۋنكتىمەن جابدىقتالعان. قىزمەت الۋشىلاردىڭ مەملەكەتتىك ورگانداردىڭ ءبىرىنشى باسشىلارىنا بەينە-بايلانىس جۇيەسىندە ءوتىنىش بەرۋىنە جانە ونلاين بەينە-كەڭەستەر الۋىنا ارنالعان ايماق تا بار. ءوز بەتىنشە مەملەكەتتىك قىزمەتتەردى الۋ مەن جۇمىس ىستەۋ داعدىلارىن ۇيرەنگىسى كەلەتىندەردى وقىتۋعا ارنالعان سىنىپ جابدىقتالعان. حقو جاڭارتىلعان اقپان ايىنان بۇگىنگە دەيىن 72 991 قىزمەت كورسەتىلگەن.
«ە-حقكو» بىرىڭعاي قىزمەت كورسەتۋ ورتالىعى قاعيداتى بويىنشا قىزمەت بەرۋشىدەن قىزمەت الۋشىعا قۇجاتتاردى جەدەل جەتكىزۋ بويىنشا بوستاندىق جانە جەتىسۋ اۋداندىق حقو-لارىندا 3 ساعات ىشىندە احات باعىتى بويىنشا قىزمەتتەردى راسىمدەۋگە بولادى. جىل باسىنان بەرى 4309 قىزمەت كورسەتىلىپ, ونىڭ 3817-ءى 3 ساعات ىشىندە كورسەتىلگەن.
سونىمەن قاتار «انىقتاماسىز قىزمەت» – «Paper free» سەرۆيسى بويىنشا, قىزمەت الۋشىنىڭ رۇقساتى راستالعان جاعدايدا مەملەكەتتىك ورگاندار مەن جەكە ۇيىمدارعا ەلەكتروندىق ۇكىمەت ارقىلى انىقتاما بەرۋ قىزمەتى. ماسەلەن, جىل سايىن جاڭا وقۋ جىلى قارساڭىندا مەكتەپتەر وقۋشىلاردان مەكەنجاي انىقتاماسىن سۇراتادى, ناتيجەسىندە ميلليونداعان اتا-انا حقو-عا اعىلادى. ەگەر «Paper free» سەرۆيسى ەنگىزىلسە, وقۋ ورىندارى ەلەكتروندىق ۇكىمەت پورتالىنان قاجەتتى قۇجاتتى سۇراتا الادى, ال قىزمەت الۋشى, ياعني اتا-انا SMS-حابارلاما ارقىلى ەلەكتروندىق انىقتاما الۋعا ءبىر رەتتىك رۇقسات بەرگەنىن راستاپ, فرونت-وفيسكە بارۋ مىندەتىنەن قۇتىلادى.
بالا تۋعا بايلانىستى مەملەكەتتىك قىزمەتتەردى پرواكتيۆتى تاسىلمەن ۇسىنۋ جوباسى دا تابىستى جۇرۋدە.
قازىرگى تاڭدا الماتى قالاسى بويىنشا جاڭا بوسانعان 6406 ايەلگە سمس-ۇسىنىس جىبەرىلىپ, ونىڭ 1996-عا جۋىعى وسى پرواكتيۆتى تاسىلمەن قىزمەت الۋ مۇمكىندىگىن پايدالاندى, 3341 تۋ تۋرالى كۋالىك بەرىلىپ, 682 جاردەماقى تاعايىندالىپ, 1348 نارەستە بالاباقشاعا كەزەككە قويىلدى.
سوداي-اق, بۇگىنگى تاڭدا ازاماتتاردى ونلاين - تىركەۋگە, جۇرگىزۋشى كۋالىگىن ونلاين ءوتىنىش ارقىلى الۋعا, مەملەكەتتىك ورگانداردىڭ ءبىرىنشى باسشىلارىنا ونلاين-بەينە بايلانىس ارقىلى سۇراقتار قويۋعا مۇمكىندىكتەر بار ەكەنىن كوپشىلىك بىلە بەرمەيدى. بۇل سەرۆيستەردى پايدالانا بىلمەيتىندەر كەز-كەلگەن فرونت-وفيسكە كەلىپ ۇيرەنۋىنە بولادى.
تسيفرلىق باعىتتاعى ونلاين الۋعا بولاتىن قىزمەتتەر:
قىزمەت الۋشىلاردىڭ مەملەكەتتىك ورگانداردىڭ ءبىرىنشى باسشىلارىنا بەينە-بايلانىس جۇيەسىندە ءوتىنىش بەرۋىنە جانە ونلاين بەينە-كەڭەستەر الا الادى; جەكە مالىمەتتەردىڭ قاۋىپسىزدىگىن قامتاماسىز ەتۋ ءۇشىن ازاماتتار ءوزى تۋرالى جەكە اقپاراتتى تولىقتاي باقىلاي الادى; جۇرگىزۋشى كۋالىگىن ونلاين رەجىمدە الا الادى; ازاماتتاردى ونلاين تىركەي الادى; تۋ تۋرالى كۋالىكتى, تۋ تۋرالى جاردەماقىنى, بالانى بالا باقشا كەزەگىنە قويۋدى ونلاين جۇزەگە اسىرا الادى; ەستۋ, سويلەۋ قابىلەتى شەكتەۋلى جاندار ونلاين سۋردو – اۋدارما قىزمەتىن پايدالانا الادى; ەتسق بار ءوتىنىش بەرۋشى حقو-عا كەلىپ, قوعامدىق قول جەتىمدىلىك پۋنكتى ارقىلى ەلەكتروندىق قىزمەت تۇرلەرىمەن بىرگە سالىقتار, ءوسىمپۇلدار, جول ءجۇرۋ ەرەجەسىن بۇزعانى ءۇشىن ايىپپۇل تولەۋ جانە ت.ب قىزمەتتەردى كاسسالارعا كەزەككە تۇرماي-اق پايدالانا الادى; وزىنە-ءوزى قىزمەت كورسەتۋ سەكتورىندا ءوز بەتىنشە ەتسق الۋعا ءوتىنىم بەرۋگە, سونداي-اق 700-دەن استام ەلەكتروندىق قىزمەت پەن سەرۆيستەر الا الادى; SMS-حابارلاما ارقىلى قىزمەت الۋشىنىڭ رۇقساتى راستالعان جاعدايدا ءۇشىنشى تۇلعالارعا اقپاراتتىق انىقتامالار ۇسىنۋعا مۇمكىندىك بەرەدى.ازاماتتارعا جاسالعان جاعدايلار تۋرالى بىلەسىز بە؟
اۋەزوۆ اۋداندىق حقو تۇنگى ساعات 12-گە دەيىن جۇمىس ىستەيدى; بوستاندىق جانە جەتىسۋ اۋداندىق حقو-لارىندا 3 ساعات ىشىندە احات باعىتى بويىنشا قىزمەتتەردى راسىمدەي الادى; المالى اۋداندىق حقو-دا بەلگىلەنگەن كەستەگە سايكەس تسيفرلىق ساۋاتتىلىق داعدىلارىن ارتتىرۋ بويىنشا ارنايى كلاستاردا تاقىرىپتىق دارىستەرگە قاتىسا الادى; پوچتا ارقىلى قۇجاتتاردى ۇيگە جەتكىزىپ بەرۋ قىزمەتىن پايدالانا الادى; 1-2-توپتاعى مۇگەدەكتەر مەملەكەتتىك قىزمەتتى ۇيدە وتىرىپ الا الادى; جۇرگىزۋشى كۋالىگىن جەتىسۋ اۋداندىق حقو-دا دا اۋىستىرۋعا بولادى;ايناش ەسالي,
«ەگەمەن قازاقستان».
الماتى