قر پارلامەنتى سەناتىنىڭ جالپى وتىرىسىندا «قازاقستان رەسپۋبليكاسىنىڭ قاۋىپسىزدىك كەڭەسى تۋرالى» قر زاڭى قابىلداندى.
«زاڭ جوباسى «قازاقستان رەسپۋبليكاسىنىڭ پرەزيدەنتi تۋرالى» كونستيتۋتسيالىق زاڭىنىڭ وتىز ءۇشىنشى بابىنا سايكەس ازىرلەندى. زاڭ جوباسى قازاقستان رەسپۋبليكاسى قاۋىپسىزدىك كەڭەسىنىڭ قۇقىقتىق مارتەبەسiن, قۇزىرەتىن جانە قىزمەتىنىڭ ۇيىمداستىرىلۋىن ايقىندايدى. وسىلايشا, زاڭ جوباسىمەن قاۋىپسىزدىك كەڭەسىن ۇيلەستىرۋشى كونستيتۋتسيالىق ورگان رەتىندە تانۋ ۇسىنىلادى», -دەدى زاڭ جوباسى بويىنشا بايانداما جاساعان ادىلەت ءمينيسترى مارات بەكەتاەۆ.
جالپى, قۇجات ءۇش تاراۋدان تۇرادى. بiرiنشi تاراۋ قاۋiپسiزدiك كەڭەسiنiڭ قۇقىقتىق مارتەبەسiن, قىزمەتiنiڭ نەگiزدەرiن, مiندەتتەرi مەن فۋنكتسيالارىن ايقىندايدى. اتاپ ايتقاندا, قاۋىپسىزدىك كەڭەسىنىڭ مىندەتتەرىنە: ەلدىڭ ۇلتتىق قاۋىپسىزدىگىن, قورعانىس قابىلەتىلىگىن قامتاماسىز ەتۋ بويىنشا مەملەكەتتىك ساياساتتىڭ باعىتتارىن قاراۋ; سول باعىتتار بويىنشا مەملەكەتتىك ورگاندار مەن ۇيىمداردىڭ قىزمەتىن ۇيلەستىرۋ جاتادى. سونىمەن قاتار, قازاقستان رەسپۋبليكاسىنىڭ زاڭناماسىنا جانە قاۋىپسىزدىك كەڭەسى توراعاسىنىڭ شەشىمدەرىنە سايكەس, باسقا دا مىندەتتەر قاراستىرىلادى.
«ەكىنشى تاراۋ قاۋىپسىزدىك كەڭەسىنىڭ توراعاسى مەن مۇشەلەرىنىڭ وكىلەتتىگىن, قاۋىپسىزدىك كەڭەسىنىڭ قىزمەتىن بەلگىلەيدى. وسى ورايدا, قك توراعاسىنا كەلەسى وكىلەتتىكتەردى بەكىتۋ ۇسىنىلادى: قاۋىپسىزدىك كەڭەسىنىڭ قىزمەتىن باسقارۋدى جۇزەگە اسىرۋ; ونىڭ وتىرىستارى مەن جەدەل كەڭەستەرىن شاقىرۋ; قاۋىپسىزدىك كەڭەسى تۋرالى ەرەجەنى بەكىتۋ; زاڭنامادا كوزدەلگەن وزگە دە وكىلەتتىكتەردى جۇزەگە اسىرۋ. قاۋىپسىزدىك كەڭەسىنىڭ قىزمەتىن اقپاراتتىق-تالدامالىق جانە ۇيىمداستىرۋشىلىق جاعىنان قامتاماسىز ەتۋدى قاۋىپسىزدىك كەڭەسىنىڭ توراعاسىنا باعىناتىن جانە ەسەپ بەرەتىن قاۋىپسىزدىك كەڭەسىنىڭ اپپاراتى جۇزەگە اسىرادى», - دەدى بەكەتاەۆ.
ال ءۇشىنشى تاراۋ قاۋىپسىزدىك كەڭەسى مەن قاۋىپسىزدىك كەڭەسى اپپاراتىنىڭ قىزمەتىن قارجىلاندىرۋ ماسەلەلەرىن, سونداي-اق زاڭنىڭ كۇشىنە ەنۋ ءتارتىبىن رەتتەيدى.
پارلامەنت قابىلداعان زاڭ مەملەكەت باسشىسىنىڭ قول قويۋىنا جولداناتىن بولادى.