شىعىس قازاقستان وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ باس مامانى ماقسات بوسقۇمباەۆتىڭ ايتۋىنشا, ەرتىس وزەنىنىڭ سۋ قويمالارىندا بالىق اۋلاۋعا تىيىم سالىندى. ماسەلەن, سەمەيدەگى تىيىم سالۋ كەزەڭى مەن وسكەمەن جانە پاۆلودار سۋ قويمالارىندا اۋا رايىنا بايلانىستى تىيىم سالۋ كەزى ءارتۇرلى.
– ۋىلدىرىق شاشۋ كەزەڭىندە بالىق اۋلاۋعا تىيىم سالۋ شارالارىن رەتتەيتىن ارنايى بۇيرىق بار, – دەدى ماقسات بوسقۇمباەۆ. ماسەلەن, ەرتىس وزەنى بويىنداعى پاۆلودار, سەمەيدەن باستاپ وسكەمەنگە دەيىن مامىردىڭ 10-ىنان ماۋسىمنىڭ 10-ىنا دەيىن بالىق اۋلاۋعا بولمايدى. بىراق وتكەن جىلى بۇل شەكتەۋگە قاراماستان ءتارتىپ بۇزعانداردىڭ 3 موتورلى قايىعى, 40 شاقتى اۋ, 10 قايىق, 100 كيلودان ارتىق بالىق تاركىلەندى. ايىپپۇل ءوندىرىلدى. 150 قۇقىق بۇزۋشىلىق انىقتالىپ, ونىڭ ىشىندە 40 ءىس اكىمشىلىك سوتقا تابىستالدى.
ۋىلدىرىق شاشۋ مەرزىمى باستالدى. سوندىقتان دا بالىقتاردى قورعاۋ ءۇشىن ءتارتىپ ساقشىلارى ارنايى رەيدتەر وتكىزە باستايدى.
راۋشان نۇعمانبەك,
جۋرناليست
سەمەي