اعىلشىندار «تۇركىسىبتى» تاماشالادى

باعدارلامادا ايتىلعانداي, قا­زاقستاندىق قوعامدى جاڭعىر­تۋدىڭ ءبىرىنشى تالابى ۇلتتىق كود پەن ءوز مادەنيەتىن ساقتاۋ ەكە­­نى بارشاعا ايان. تاريحي تا­جى­­ريبە مەن ەڭ وزىق ۇلتتىق داس­تۇرلەر جاڭعىرۋ جولىنداعى جە­­تىس­تىكتەردىڭ ماڭىزدى شارتى بولىپ سانالاتىندىقتان, ول قازاقستاننىڭ زاماناۋي ما­­دەنيەتى الدىندا دا جاۋاپ­كەر­شىلىككە يە. وسىعان وراي شارانى ۇيىمداستىرۋشىلار تالاي جىل مۇراعاتتا شاڭ باسىپ جاتسا دا, كەيىن تىنىسى قايتا اشىلىپ, امەريكالىق جانە بريتاندىق دوكۋمەنتاليستەرگە ەرەكشە اسەر ەتكەن, تامىرى تەرەڭنەن سىر تار­تاتىن العاشقى كينوتۋىندىنى جارىققا قايتا الىپ شىعىپ, اعىلشىن كو­رەر­مەندەرىنە جا­قىنىراق تانىس­تىرۋدى ءجون دەپ تاپقان. سە­بە­بى قازاق دالاسىندا تۇسىرىلگەن تۋىن­دىعا «الەمدە بۇرىن-سوڭدى بولماعان بىرەگەي دەرەكتى فيلم» دەپ باعا بەرگەن دە وسى بريتاندىق كي­نو ينستي­تۋتىنىڭ ماماندارى بو­لاتىن.

ءفيلمدى اعىلشىن كورەر­مەن­دەرىنە تانىستىرۋداعى ماقسات – قازاقستاننىڭ وڭ ءيميدجىن قا­لىپتاستىرۋعا اسەرى بار كي­نو مەن مۋزىكا سالاسىنداعى وتان­­­دىق اۆتورلاردىڭ تاڭداۋلى شىعار­مالارىنىڭ ماڭىزىن ارت­تىرا ءتۇسۋ. سول سەبەپتى ەۋ­رو­پا تورىندەگى ونەر زالىندا «قا­­زاقستان كامەراتاسى» مەن «تۇركىسىب» ءفيلمى قاتار ۇسى­نىلدى. توقسان جىل بۇرىن ور­­تا ازيا مەن ءسىبىردىڭ اراسىن قوسقان ماگيسترالدىڭ سالىنۋ تاريحىنان سىر شەرتكەن «تۇركىسىب» ءفيلمنىڭ رە­جيس­سەرى ۆيكتور تۋرين. فيلم تو­لى­عىمەن وڭدەلگەننەن كەيىن «قازاقستان كامەراتاسى» مەم­لە­كەتتىك كامەرالىق ور­­كەس­ترى ورىنداۋشىلارىنىڭ سۇيە­مەل­دەۋىمەن بەلگىلى كومپوزيتور قۋات­ شىلدەباەۆ وعان ارناپ ءان جاز­دى. «قازاقستان كامەراتاسى» مەملەكەتتىك كامەرالىق ور­كەسترىنىڭ كوركەمدىك جەتەكشىسى – قازاقستاننىڭ حالىق ءارتىسى گاۋھار مىرزابەكوۆا.

لوندوندا وتكەن شاراعا قا­زاقستان رەسپۋبليكاسىنىڭ ەل­شىلىگى, ۇلىبريتانياداعى ديپ­­لو­ماتيالىق كورپۋس, بري­تا­نيا كينو ينستيتۋتى, مۋزىكا قاي­راتكەرلەرى, زيالى قاۋىم وكىل­دەرى, لوندونداعى قازاق دياسپو­راسى, ساراپشىلار مەن باق وكىل­دەرى قاتىستى.

ايگۇل احانبايقىزى, «ەگەمەن قازاقستان»

الماتى