قازاقستان پارلامەنتى سەناتىنىڭ دەپۋتاتى سەرىك بەكتۇرعانوۆ دۇنيەجۇزىلىك دەنساۋلىق ساقتاۋ ۇيىمىنىڭ جەنەۆادا وتكىزگەن دۇنيەجۇزىلىك دەنساۋلىق ساقتاۋ اسسامبلەياسىنىڭ 71-سەسسياسىنا قاتىستى, دەپ حابارلادى سەناتتىڭ ءباسپاسوز قىزمەتى.
شارا بارىسىندا س.بەكتۇرعانوۆ «دەنساۋلىق ساقتاۋ قىزمەتتەرىمەن جالپىعا بىردەي قامتۋعا قول جەتكىزۋدەگى جانە دەنساۋلىق ساقتاۋ سالاسىنداعى جاھاندىق قاۋىپسىزدىكتەگى پارلامەنتشىلەردىڭ ءرولى» دەگەن تاقىرىپتا ءسوز سويلەدى. اسسامبلەياعا قاتىسۋشىلار ازاماتتاردىڭ دەنساۋلىعىن ساقتاۋ جونىندەگى جۇمىستارداعى قازاقستاننىڭ كۇش-جىگەرىنە جوعارى باعا بەردى.
سەسسيا بارىسىندا بارلىق ەلدەرگە ارنالعان جالپىعا بىردەي دارىگەرلىك قىزمەت كورسەتۋلەرمەن قامتۋدى ۇيىمداستىرۋ مەن بارشانىڭ دەنساۋلىققا قول جەتكىزۋىندەگى مەديتسيالىق-سانيتاريالىق العاشقى كومەك كورسەتۋ تۋرالى الماتى دەكلاراتسياسىنىڭ ماڭىزدى ءرولى اتالىپ ءوتىلدى.
شارا قورتىندىسى بويىنشا س. بەكتۇرعانوۆ تەحنيكالىق بريفينگكە قاتىستى. سەناتور ءوز سوزىندە حالىقارالىق دۇنيەجۇزىلىك دەنساۋلىق ساقتاۋ اسسامبلەياسى سەكىلدى حالىقارالىق ۇيىم الاڭدارىنا پارلامەنتشىلەردىڭ بەلسەندى تۇردە اتسالىسۋى حالىقتى دارىگەرلىك كومەكتىڭ شامادان تىس شىعاندارىنان قورعاۋداعى ساياساتكەرلەر مەن ەل باسشىلارىنىڭ قولداۋىن كۇشەيتۋگە مۇمكىندىك بەرەدى.