اقتاۋدا شاڭدى داۋىل تۇرىپ, قالانى باسىپ قالدى, دەپ جازادى Lada.kz.
پورتالدىڭ جازۋىنشا, قالا تۇرعىندارى داۋىل جونىندەگى فوتوسۋرەتتەر مەن بەينەتۇسىرىلىمدەردى جەلىگە جاريالاپ جاتىر. وسىعان دەيىن سينوپتيكتەر شاڭدى داۋىل كوتەرىلەتىنى تۋرالى جازعان بولاتىن. اۋا رايى بولجامى بويىنشا, جەلدىڭ جىلدامدىعى سەكۋندىنا 15-تەن 20 مەترگە دەيىن جەتەدى.
ايتا كەتەتىن ماسەلە, اقتاۋ اۋەجايىندا بىرنەشە رەيس بوگەلىپ قالدى. ونلاين-تابلوداعى دەرەكتەرگە قاراعاندا, اقتاۋعا ساعات 21-40-تا الماتى, اقتوبە جانە كوكشەتاۋدان كەلۋى ءتيىس رەيستەر كەشىگىپ جاتىر. شىمكەنتتەن كەلەتىن ەكى رەيستىڭ باعىتى جابىق. بىرنەشە رەيس كەشىگىپ جەتكەن.