اتىراۋ قالاسىنىڭ تۇرعىندارى مەملەكەت باسشىسىنىڭ جولداعان «سەنىڭ جاڭا قىرىڭ» چەللەندجىن قولدادى, دەپ حابارلايدى اتىراۋ وبلىستىق وڭىرلىك كوممۋنيكاتسيالار قىزمەتى.
فلەشموب وبلىستىق درام تەاتر الاڭىندا ءوتتى. ءىس-شارا سالاۋاتتى ءومىر سالتىن ناسيحاتتاۋعا جانە دەنە شىنىقتىرۋ مەن سپورتتى دامىتۋعا باعىتتالعان.
تاڭعى جاتتىعۋعا 2000-نان استام قالا تۇرعىنى قاتىستى. كەڭ كولەمدەگى «سەنىڭ جاڭا قىرىڭ» سپورتتىق شاراسى قازاقستان رەسپۋبليكاسىنىڭ مادەنيەت جانە سپورت مينيسترلىگىنىڭ قولداۋىمەن, اتىراۋ وبلىسىندا وتكىزىلىپ وتىرعان العاشقى رەسپۋبليكالىق فلەشموب.
ۇيىمداستىرۋشىلاردىڭ جوسپارىنا سايكەس, ءبىر ۋاقىتتا رەسپۋبليكا بويىنشا تاڭعى جاتتىعۋ گيمناستيكاسى وتكىزىلدى. اۋقىمدى شارا اقتاۋ, وڭتۇستىك قازاقستان, شىمكەنت, پەتروپاۆل جانە وسكەمەن قالالارىنان ارنايى استانا قالاسىنا تىكەلەي تەلەكوپىر ارقىلى كورسەتىلدى.
- بۇگىنگى تاڭعى جاتتىعۋ گيمناستيكاسىنا اتىراۋ جۇرتشىلىعى ۇلكەن ات سالىسىپ, قاتىسىپ جاتىر. وسى شارانىڭ باستى ماقساتى ايماقتاعى بۇقارالىق سپورتتى دامىتۋ مەن سالاۋاتتى ءومىر سالتىن ۇستانۋ. وڭىرىمىزدە تۇرعىنداردىڭ 27.5 پايىزى بۇقارالىق سپورتپەن شۇعىلدانادى,-دەيدى اتىراۋ وبلىستىق دەنە شىنىقتىرك جəنە سپورت باسقارماسىنىڭ باسشىسى ازامات بەكەت.
ەستەرىڭىزگە سالا كەتەيىك, مەملەكەت باسشىسى نۇرسۇلتان نازارباەۆ «سەنىڭ جاڭا قىرىڭ» اتتى اۋقىمدى اكتسيانى باستادى. وندا پرەزيدەنت قازاقستاندىقتاردى سپورتپەن شۇعىلدانۋعا شاقىرىپ, ارقايسىسىنا مىسال كورسەتكەن بولاتىن.