ماڭعىستاۋ وبلىسىندا 2018 جىلعى 15 مامىرداعى جاعداي بويىنشا 24 238 مۇمكىندىگى شەكتەۋلى جان تىركەلگەن. ونىڭ ىشىندە 5 مىڭعا جۋىعىنىڭ تىرەك-قيمىل اپپاراتى بۇزىلعان.
اقتاۋ قالاسىندا جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنا قاراستى «وڭالتۋ جانە الەۋمەتتەندىرۋ ورتالىعى» 2017 جىلى تىرەك-قيمىل اپپاراتى بۇزىلعان مۇگەدەكتەردىڭ جاعدايلارىن جاقسارتۋ بويىنشا ارناۋلى الەۋمەتتىك قىزمەت كورسەتۋ ماقساتىندا قۇرىلدى. ورتالىق اقتاۋ قالاسى 35 ش/ا جالپى اۋماعى 281,9 م2 قۇرايتىن عيماراتتا ورنالاسقان. 2018 جىل باسىنان بەرى جارتىلاي ستاتسيونارلىق جاعدايدا ارناۋلى الەۋمەتتىك قىزمەت كورسەتۋگە مۇقتاج تىرەك-قيمىل اپپاراتى بۇزىلعان 78 قىزمەت الۋشىعا 20 كۇن ارنايى الەۋمەتتىك قىزمەت كورسەتىلەدى. قازىرگى تاڭدا وڭالتۋ ورتالىعى گەرمانيادا جاسالعان جالپى سومماسى 90 ملگ تەڭگە كولەمىندەگى قارجىنى قۇرايتىن 3 وڭالتۋ ترەناجەرىمەن قامتاماسىز ەتىلگەن.
-ورتالىقتا جىلىنا 240 ادام وڭالتۋدان وتەدى. جۇمىس تيىمدىلىگىن ارتتىرۋ ءۇشىن جالپى سوماسى 30 146 800 تەڭگە قۇرايتىن وڭالتۋ ورتالىعىنا تاعى ءتورت ترەناجەر ساتىپ الۋ قاجەت. سونداي-اق, 50 ادامعا قىزمەت كورسەتۋ ءۇشىن, جاڭا كەمىندە 1000 شارشى مەتر عيمارات قاجەت. وسىلايشا, وبلىس كولەمىندەگى اتالمىش كومەككە مۇقتاجدىقتى ءبىراز ەڭەرەتىن بولامىز, دەدى جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى قۋانىش بەرىشباەۆ
ماڭعىستاۋ وبلىسىنىڭ اكىمى ەرالى توعجانوۆ «وڭالتۋ جانە الەۋمەتتەندىرۋ ورتالىعى» جاڭا عيماراتىنا قاجەتتى جابدىقتاردى ساتىپ الۋ جانە تۋىنادعان ماسەلەنى شەشۋگە تاپسىرما بەردى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى