قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازارباەۆتىڭ باستاماسىن قولداي وتىرىپ, «نۇر وتان» پارتياسى سايلاۋ ناۋقانىنا قاتىساتىن بارلىق ساياسي پارتيالارعا 2012 جىلعى 15 قاڭتاردا قازاقستان رەسپۋبليكاسى پارلامەنتى ءماجىلىسى مەن ءماسليحاتتار دەپۋتاتتارىنىڭ ءادىل دە اشىق سايلاۋىن وتكىزۋ تۋرالى مەموراندۋمعا قول قويۋ ۇسىنىسىن جاساپ وتىر.
الداعى سايلاۋ ناۋقانى ءبىزدىڭ ەلىمىزدەگى دەموكراتيالىق قۇندىلىقتاردى, زاڭدىلىقتى, ەرىك ءبىلدىرۋدى, سايلاۋ پروتسەسىنىڭ اشىقتىعى مەن ايقىندىعىن كورسەتۋدىڭ الاڭىنا اينالۋى ءتيىس.
سوندىقتان ءبىز سايلاۋ پروتسەسىنىڭ بارلىق قاتىسۋشىلارىنا ساياسي توزىمدىلىك پەن ءوزارا سىيلاستىق پرينتسيپتەرىن ساقتاۋعا, ۇگىت-ناسيحات ناۋقانىن تەك قازاقستان اتا زاڭىنىڭ جانە سايلاۋ زاڭناماسىنىڭ تالاپتارىنا ءسايكەس جۇرگىزۋگە دايىندىعىن, ىشكى ساياسي جاعدايدى تۇراقسىزداندىرۋعا اكەلىپ سوقتىراتىن راديكالدى ۇراندار مەن ءىس-ارەكەتتەرگە جول بەرمەيتىندىگىن راستاۋعا شاقىرامىز.
الداعى جوعارى جانە جەرگىلىكتى وكىلدى ورگاندارعا سايلاۋ قازاقستاندىق دەموكراتيا دامۋىنىڭ جاڭا مارەسىنە اينالارىنا, ازاماتتىق باستامانى ارتتىرۋعا ىقپال ەتەرىنە, مەملەكەتتىك ساياساتتى ءجۇرگىزۋگە ازاماتتاردىڭ قاتىسۋ دەڭگەيىن كەڭەيتەرىنە ءبىز سەنىمدىمىز, دەيدى نۇروتاندىقتار.
«ەگەمەن-اقپارات».