«ەسىل-اگرو»

«ەگەمەن قازاقستاننىڭ» ارنايى جوباسى: جاسامپازدىق جەمىستەرى جيىرما جىلدىڭ ىشىندە اتقارىلعان يگى ىستەردىڭ ارقاسىندا ءاربىر ءوڭىرىمىز وزگەرىپ, ءومىرىمىز جاقسارىپ كەلەدى. «ەگەمەن قازاقستان» گازەتى وسىنداي وركەندى وزگەرىستەردى بەينەلەيتىن ماتەريالداردى تۇراقتى جاريالاپ تۇرادى. تومەندە اقمولا وبلىسىنىڭ بۋراباي اۋدانىنداعى «ەسىل-اگرو» جاۋاپكەرشىلىگى شەكتەۋلى سەرىكتەستىگىنەن فوتورەپورتاج بەرىلىپ وتىر.

 «ەسىل-اگرو»

بۋراباي اۋماعىندا بۋىرقانعان تىرشىلىك قايناپ جاتادى. كۋرورتتى ءوڭىردىڭ كورىكتى كورىنەتىنى وسىدان دا بولسا كەرەك. مۇندا جاي عانا تىرشىلىك ەمەس, زامان اعىمىنا ساي جاڭا قادامدار جەتەگىندەگى باستامالار نازار اۋدار­تاتىنىنا ءىشىڭ جىليدى. سولاردىڭ ءبىرى 2005 جىلدىڭ 1 جەلتوقسانىندا قۇرىلعان «ەسىل-اگرو» جاۋاپكەرشىلىگى شەكتەۋلى سەرىكتەستىگى دەسەك بولادى. بۇل ەلىمىزدەگى ينۆەس­تي­تسيالىق قاناتقاق­تى جوبالاردىڭ قارلى­عاش­تارى ساناتىنداعى ءساتتى ۇجىم رەتىندە قالىپتاستى. قازاقستان پرەزيدەنتى ن.ءا.نازارباەۆ وسى­ناۋ قىسقا مەرزىمدە «ەسىل-اگروعا» ەكى رەت كەلدى. العاشىندا ابىلايحان, اقىلباي, بايانباي, ءما­دەنيەت, قارابۇلاق اۋىلدارىندا اۋىل شارۋا­شى­لىعى كاسىپورىندارىن قۇرىپ, قۇرعاق ۋادەگە باي جارىلقاۋشىلاردان جالىققان ەل­دىڭ تۇرمىسىن تۇزەپ, قىرمانىن قىزىلعا تولتىرعان ەسىلدىك­تەردىڭ يگى ۇمتىلىس ءۇردىس­تەرىنە ىرزالىعىن بىلدىرگەن. «اقىلبايدىڭ» اق كۇمىس القاپتارىندا جايقالعان ەگىندى بەلۋاردان كەشىپ تۇرىپ فيرما ديرەكتورى اسىلبەك ەسماعامبەتوۆكە بولاشاق باعامىنداعى كەڭەستەر بەرگەنى دە ەسىمىزدە. ەلباسى ەرتەڭگە قاراتىپ ايتقاندا, شيكى­زاتتىق ءوندىرىستىڭ كۇنى وتكەندىگىن, تابىس جولى – ءونىمدى قايتا وڭدەۋدە ەكەندىگىن, ول ءۇشىن ءسوز قورىمىزعا ءالى قوسىلا قويماعان كلاستەرلىك ءجۇ­يە­نى قولعا الۋىمىز قاجەتتىگىن العا تارت­تى. وڭىرگە اتى بەلگىلى ازامات, «قۇرمەت» وردەنىنىڭ يەگەرى, وبلىستىق ءماسلي­حاتتىڭ دەپۋتاتى اسىل­بەك سايلاۋبەك ۇلى ءوز قادامدارىنىڭ مەملەكەت باسشىسىنىڭ وي-نيەتتەرىمەن ساباقتاس ەكەندىگىن ۇقتى. بۇل قوسىمشا جاۋاپكەرشىلىكتەگى ۇلكەن سىن ەدى. ونىڭ ۇستىنە بۋراباي ارنايى ەكونوميكالىق ايماعىنىڭ قۇرىلۋى, الەمدىك دەڭگەيدەگى تۇڭعىش «استانا-بۋراباي» اۆتوبا­نى­نىڭ سا­لىنۋى, استانانىڭ ازىق-ت ۇلىك بەلدەۋىن قام­تاماسىز ەتۋ جونىندەگى پرەزيدەنتتىك تاپ­سىرما قۇلاشتى كەڭگە سەرمەۋگە مۇمكىندىك اشىپ وتىر. ساۋاتتى دايىندالعان بيزنەس جوبالار ساراپتامادان سۇرىنبەي ءوتىپ, مەملە­كەت­تىڭ قارجىلاي قولداۋ كوزدەرى كەڭەيدى. فيرما ءاربىر تيىننىڭ ءتيىمدى جۇمسالۋىن قاتاڭ قاداعالايدى. قايتارىمسىز قادام دەگەن جوق, الەم تانىعان «الپرو» ەلەكتروندى جۇيەسى ءبارىن كورىپ تۇرادى. سوڭعى جىلدارى سا­تىپ الىنعان 112 اۋىلشارۋاشىلىق تەحنيكا­لارى­نىڭ باسىم بولىگى شەتەلدىك سوڭعى ۇلگىدەگى ماشينالار. استىق, بۇرشاق جانە مايلى داقىل­دار فيرما ورنالاسقان كەنەسارى اۋىلىن­داعى ەلەۆا­توردا ساقتالىپ, وڭدەلسە, ششۋچە قالاسىنداعى «اينا» ءسۇت زاۋىتىندا ءسۇت ونىمدەرىنىڭ وتىز ءتۇرى دايىندالادى. «ەسىل-اگرو» 2008 جىلعا دەيىن ءسۇتتى وزىنە قاراستى التى شارۋاشىلىقتاعى قابىلداۋ پۋنكتتەرىنەن جينايتىن. ول تاۋلىگىنە 20 توننا شيكىزات وڭدەيتىن زاۋىتتىڭ سۇرانىسىن قامتاما­سىز ەتە المادى. كۇن تارتىبىنە 1200 باس ساۋىن سيىرعا ارنالعان زامانالىق تاۋارلى-ءسۇت كەشەنىن سالۋ ماسەلەسى شىعارىلدى. زور دايىندىقپەن باس­تالعان جوبا اراعا جىل سالىپ ەسىگىن اشتى. ۆەنگريادان «گولشتين-فريز» اسىل تۇقىمدى 600 باس سيىر جەتكىزىلدى. قازىر تابىن ءوز ءتولى ەسەبىنەن تو­لىعىپ كەلەدى. الداعى كەزدە تاعى دا 600 باس سيىر الدىرىلماق. بولەكتەپ ايتارىمىز, ارقاي­سى­سى جىلىنا 10 مىڭ ليتر ءسۇت بەرەتىن وسىن­شا­ما سيىردى ءتورت-اق وپەراتور ساۋاتىندىعى. مۇ­نى ايتىپ وتىرعان­دىعىمىز, كەشەندە جەر ءجۇزى­نىڭ 112 ەلىندەگى ءسۇت وندىرۋشىلەر بەدەلىنە يە بولعان شۆەتسيانىڭ «دەلاۆال» كومپانياسىنىڭ سىننان وتكەن جابدىقتارى ورنالاستىرىل­عانى­نان دەرەك بەرۋ. فەرما ۇجىمى جوبالىق قۋاتىنا ەنەتىن جۋىق ايلاردا تاۋلىگىنە 25-26 توننا ءسۇت الى­نا­تىن بولادى. قازىردىڭ وزىندە «ەسىل-اگرونىڭ» ءسۇت برەندى وبلىس اۋماعىمەن قوسا, استانانىڭ 26 دۇكەنىندە تۇتىنۋشىلار تالعا­مىنان شىعۋدا. بيىل ديقاندارىمىز گەكتار تۇسىمدىلىگىن ەسەلەپ ارتتىردى. ەلەۆاتورىمىز قىزۋ ەڭبەك قۇ­شاعىن­دا. ديىرمەنىمىزدىڭ قۋاتتىلىعى ءتاۋ­لىگىنە 120 تونناعا جەتەدى. وسىنىڭ بارلىعى تاۋەل­سىزدىك شا­را­پاتىنىڭ, مەملەكەتتىڭ اۋىل ءوندىرى­سىن قولداۋى­نىڭ ناتيجەسىندە مۇمكىن بولىپ وتىر. «ەسىل-اگرو» ەرتەڭىنە سەنىمدى, دەيدى فيرما باسشىسى اسىلبەك ەسماعامبەتوۆ. اقمولا وبلىسى, بۋراباي اۋدانى. ________________________ ارنايى بەتتى دايىنداعان «ەگەمەن قازاقستان» گازەتىنىڭ اقمولا وبلىسى بويىنشا مەنشىكتى ءتىلشىسى باقبەرگەن امالبەك.