اەف قوناقتارى ستۋدەنتتەرگە ءدارىس وقىدى

اتالعان فەستيۆال الەمدىك قوعام­داس­تىقتىڭ الدىڭعى قاتار­لى ساراپشىلارى مەن ستۋدەنتتەر اۋديا­تورياسى اراسىنداعى الاڭ­عا اي­نال­­دى. ايتا كەتۋ كەرەك, فەس­تي­ۆال ايا­سىن­د­اعى كەزدەسۋلەر ءدارىس, story telling, motivation speech, بۇ­قارا­لىق سۇحبات فورمات­تارىن­دا وتكىزىلدى. ءىس-شارا اياسىندا وت­كەن دارىستەر AEF 2018 Global Challenges Summit تسيفرلى ۋني­ۆەر­سي­تەتىنە اينالىپ, فورۋم اياق­­تال­عان سوڭ سايتتا ءۇش تىلدە ور­نا­ل­اس­­تى­رىل­ادى دەپ كۇتىلۋدە. ال فورۋم ۇيىم­داس­تىرۋشىلارى بيىل العاش رەت وت­كىزىلگەن فەستيۆال بولا­­شاق­تا داستۇرگە اينالادى دەگەن ويدا.

دارىستەر فەستيۆالى اياسىندا لەك­­تورلار ستۋدەنتتەرگە قازىر­­گى زامانعى تەحنولوگيالىق جاڭا­لىقتار, ادامزات الدىن­دا تۇرعان وزگەرىستەر تۋرالى ايتتى. سونىمەن قاتار جاھان­دىق ما­سە­لەلەرمەن قاتار قازاق­ستان­­داعى جاعدايعا دا توقتالدى. مىسالى, Shazam قوسىمشاسىنىڭ نەگىزىن قالاعان كريس بارتون بۇگىنگى تاڭدا ءىت سالاسىنىڭ جىلدام دامىپ جاتقانىن اتاپ ءوتىپ, «قازاقستاندا بۇل سالانى ودان بەتەر دامىتۋ ءۇشىن ينۆەستيتسيالاردى كوبەي­تىپ, جاستارعا بارلىق جاعداي­دى جاساۋ كەرەك. سونىمەن قاتار ستارتاپشىلاردىڭ يدەيالارىنا قۇلاق اسىپ, ولاردى جان-جاقتى قولداپ وتىرعان ءجون», دەدى.

نازارباەۆ ۋنيۆەرسيتەتتە وتكەن فەستيۆالدە لوندون كورول­دىك كوللەدجىنىڭ عىلى­مي قىز­مەتكەرى, داعدارىس جاعدا­يىن­داعى مەديانىڭ ءرولىن زەرت­تەۋشى مامان گري­گوري اسمولوۆ «الەۋ­مەتتىك-گۋمانيتارلىق دا­مۋ­­داعى ينتەرنەتتىڭ ءرولى» ات­تى تاقى­رىپ­تا ءدارىس وقىپ, ينتەر­نەتتىڭ مۇمكىندىكتەرىن دۇرىس پايدالانا ءبىلۋدىڭ ماڭىز­دىلىعى تۋرالى باياندادى. ال «التىن ارىستان» (1984) ۆەنە­تسيا كينو­فەس­تيۆالىنىڭ باس جۇلدەگەرى, رەجيسسەر كشيشتوف ءزانۋسسيدىڭ ءدارىسى ستۋدەنتتەر تاراپىنان ەرەكشە قىزىعۋشىلىق تۋدىرىپ, سۇراق-جاۋاپ فورماتىندا ءوربىدى. رەجيسسەر اۋديتورياعا ءار حالىق جاھاندانۋ زامانىندا مادەني ەرەكشەلىكتەرىن ساقتاپ قالۋ كەرەكتىگىن ءارى كينورەجيسسۋرا سالاسىندا سول يدەيانى جۇ­زەگە اسىرۋدىڭ الدەقايدا ءوتىم­دى بولاتىنىن ايتتى. «قازىرگى تاڭ­­دا كەز كەلگەن مەملەكەتتىڭ حال­قى گولليۆۋد كينولارىن جانە وز­دەرىنىڭ جەرگىلىكتى تۋىندىلارىن كورەدى. كوپ جاس رەجيسسەردىڭ ءفيلمى ساپالى بولعانىمەن, ول گولليۆۋد جەلىسىن قايتالاعان نەمەسە سول تەكتەس جانردا بولادى. مىسالى, قازاقتىڭ جاس رەجيسسەرى ءوز ەلى تۋرالى, جەرى تۋرالى وتە شى­نايى ءارى ساپالى كارتينا ۇسىن­سا, ول الدەقايدا تابىستى بو­لار ەدى. جاھاندانۋ زامانىندا ما­دەني ەرەكشەلىكتەردى ساقتاپ قالۋ عانا ەمەس, ونى تانىتا ءبىلۋ دە ما­ڭى­زدى», دەدى كشيشتوف زانۋسسي.

حالىقارالىق «Engineering News Record» وندىرىستىك جۋرنا­لى­نىڭ رەيتينگىندە ءبىرىنشى ورىن­دا تۇرعان, 100 مىڭنان ار­تىق قىزمەتكەرى بار ءارى 150-دەن اس­تام مەملەكەتتە جوبالارىن جۇزەگە اسىرىپ جۇرگەن AECOM كوم­پانياسىنىڭ قالالار ديزاينى جانە ستارتەگيالىق جوسپارلاۋ ديرەكتورى كارلو كاستەلليدىڭ دە ءدارىسىن ەرەكشە اتاپ وتۋگە بولادى. ول «قالالار – ۇجىمدىق كۇش» دەگەن تاقىرىپتا ءدارىس وقىپ, كەز كەلگەن قالانىڭ دامۋى تەك بەلگىلى ءبىر مامانداردىڭ ەمەس, تۇر­عىن­داردىڭ قولىندا ەكەنىن ايتتى. سونىمەن قاتار استانا قالاسى­نىڭ ارحيتەكتۋراسىنا جوعارى باعا بەرىپ, حالىقتىڭ قوناق­جايلىعىنا ءتانتى بولعانىن اتاپ ءوتتى. «استانانىڭ وتە از ۋاقىت­تىڭ ىشىندە قازىرگى كەي­پىنە ەنگەنى – ۇلكەن ەڭبەكتىڭ ناتيجەسى. بۇل قالا تاعى وسىنشا ۋاقىتتا تىپتەن وزگە­رىپ, قارىشتاپ دامي­دى دەپ ويلايمىن», دەدى ك.كاستەللي.

ستۋدەنتتەرگە قىزىعۋ­شى­لىق تۋدىرعان تاعى ءبىر ءدارىس جاسارتۋ بيوتەحنولوگياسى تۋرالى بولدى. SENS قورىنىڭ عىلىم بو­يىن­شا توراعاسى ءارى ديرەكتو­رى وبري دي گرەي بولاشاقتا ادام­­نىڭ قارتايۋ پروتسەسىن توقتا­تۋعا مۇمكىندىك بەرەتىن بيوتەح­نو­لو­گيا­لار­دىڭ پايدا بولۋى تۋرالى ايتا كەلە, ء«دال قازىر وسى اۋديتوريا­دا وتىر­­عان ادامدار وسىعان كۋا بو­لۋى­­­مىز دا مۇمكىن. نەمەسە سول تەح­­نو­­­­لو­­گيانى جاساۋشىلار سىزدەر­دىڭ ارا­­لارىڭىزدان دا شىعۋى ىق­تي­مال», دەپ, جاستارعا شابىت بەرە سويلەدى.

Medme-ءدىڭ باسقارۋشى سەرىك­تەسى يليا سلۋتسكي ء«تورتىنشى ين­دۋس­تريالىق رەۆوليۋتسيا قار­ساڭىندا نەنى ۇيرەنۋ كەرەك؟» دەگەن تاقىرىپتا ءدارىس وقىپ, قا­زىر­گى تاڭدا بەلگىلى ءبىر سالانى مەڭ­گەر­گەننەن كەيىن دە جان-جاقتى بول­ۋ­دىڭ ماڭىزدىلىعى ارتاتىنى تۋر­الى ايتتى. ء«بىر سالا بىرنەشە سالا­نىڭ قىزمەتىن بىرىكتىرەتىن بو­لادى. ياعني ادام­نىڭ ىزدەنۋ قاجەت­تى­لىگى ارتادى. بۇل تۇلعالىق دامۋ ءۇشىن دە وتە كەرەك. سوندىقتان قا­زىر­­­­دەن باس­­تاپ جان-جاقتى بولسا­ڭىز­­د­ار, بو­­لاشاقتا باسەكەگە قابى­لەتتى ما­­­مان بولاتىندارىڭىز ءسوزسىز», دەدى ول.

نازارباەۆ ۋنيۆەرسيتەت ستۋ­دەنت­تەرىنىڭ ايتۋىنشا, دارىستەر جاس­تارعا شابىت سىي­لاعان. «حا­لىق­ارالىق ساراپ­شىلاردىڭ, الەم­گە تانىمال مامانداردىڭ قارا­پا­يىم ستۋدەنتتەرگە ءدارىس وقۋ مۇم­­كىندىگى كۇندە بولا بەرمەيدى. بۇل دا­رىستەر ءبىزدى جىگەرلەندىردى, شا­بىت­­تاندىردى. لەكتورلار ار­مان­­عا قول جەتكىزۋ ءۇشىن تىنباي ەڭ­بەك ەتسە, ادامنىڭ قولىنان ءبارى كە­لە­­تى­نىن كورسەتتى. دارىسكە قا­تىس­­قان قاتار­لاستارىمنىڭ كوپ­شى­لىگى شابىت الىپ شىققانىن, ەرە­ك­­شە جىگەر­لەن­گەنىن ايتىپ جاتىر. مەن دە ەرەك­شە اسەر الدىم», دەي­دى ستۋ­دەنت­تەر­دىڭ ءبىرى نازەركە قابالينا.

گۇلنۇر قۋانىشبەكقىزى,

«ەگەمەن قازاقستان»