وبلىس ورتالىعىندا وڭىرلىك ىشكى ىستەر دەپارتامەنتى مەن مەملەكەتتىك كىرىستەر باسقارماسى بىرلەسكەن رەيد وتكىزدى. ماقسات - كولىك سالىعى بويىنشا قارىزدارى بار اۆتوكولىك يەلەرىن تابۋ.
كىرىستەر باسقارماسىنىڭ مالىمەتىنشە, رەيد قالاداعى «اق وتاۋ» مەيرامحاناسىنىڭ جانىندا, «ەرتىس» باقىلاۋ-وتكىزۋ پۋنكتى جانە ۋسپەن كوپىرىنىڭ قاسىندا جۇرگىزىلدى. قالا كوشەلەرىندە ورنالاسقان بەينەباقىلاۋ كامەرالارىنىڭ دا كومەگى بار. بىلتىر 1,6 ميلليون تەڭگە قارىزى بار «لەكسۋس» كولىگى ايىپپۇل تۇراعىنا قويىلىپتى, 4 ميلليون تەڭگە سالىق تولەمەگەن 9 كولىك ارنايى اۆتو تۇراققا جىبەرىلگەن. ءبىر توقسان ارالىعىندا ايىپپۇل تۇراعىنا 10-نان 15-كە دەيىن اۆتوكولىك قويىلادى. جىل باسىنان بەرى اۆتوتۇراققا 2 ميلليون تەڭگە قارىزى بار 5 كولىك جىبەرىلىپتى. ەكەۋى كەيىن قارىزدارىن وتەپتى. سونىمەن بىرگە, 5 مىڭنان اسا جۇرگىزۋشىلەرگە ەسكەرتۋ جىبەرىلىپتى.
وبلىستىق مەملەكەتتىك كىرىستەر باسقارماسىنىڭ مالىمەتىنشە, كولىك سالىعى 670 ميلليون تەڭگەگە جەتكەن, اۆتوكولىك يەلەرى ءتىپتى, قولدارىنا سالىعى تولەنبەگەنى جايلى ەسكەرتۋدى السا دا, قارىزدارىن وتەۋگە اسىقپايدى.سالىق تولەۋ ءۇشىن ءبىر اي ۋاقىت بەرىلەدى. ناتيجە بولماعان جاعدايدا, رەيدتتەرگە شىعۋعا تۋرا كەلەدى. بيىل سالىق زاڭىنا وزگەرتۋلەر دە ەنگىزىلدى. ەندى كولىك سالىعىنا قاتىستى بۇيرىقتاردى مەملەكەتتىك كىرىستەر باسقارماسى دا شىعارا الادى. بۇل بۇيرىق جەكە سوت ورىنداۋشىلارىنا جىبەرىلەدى. جۇرگىزۋشى كۋالىگى الىنىپ, اكىمشىلىك قاماۋعا الىنۋى دا مۇمكىن.
فاريدا بىقاي,
«ەگەمەن قازاقستان»
پاۆلودار