XI استانا ەكونوميكالىق فورۋمى: Global Challenges Summit 2018 اياسىندا «ازاماتتىق قوعام بولاشاعى. جاڭا ازاماتتىق بەلسەندىلىك» تاقىرىبىندا پانەلدىك سەسسيا ءوتتى.
پانەلدىك سەسسياعا مەملەكەتتىك ورگاندار مەن ۇكىمەتتىك ەمەس ۇيىمداردىڭ وكىلدەرى, ساياساتتانۋشىلار, تاياۋ جانە الىس شەت ەلدەردىڭ ساراپشىلارى قاتىستى.
شارا قاتىسۋشىلارى الدىندا بايانداما جاساۋ بارىسىندا قر ءدىن ىستەرى جانە ازاماتتىق قوعام ءمينيسترى دارحان كالەتاەۆ قازاقستاندا ازاماتتىق قوعامدى ودان ءارى دامىتۋ بويىنشا بىرقاتار وزەكتى ماسەلەلەردى قوزعادى.
«قازاقستان الەمدىك ۇردىستەرمەن ءبىر باعىتتا ءجۇرىپ جاتىر. مەملەكەت باسشىسى عالامدىق دامۋدىڭ باستى بەس مەگاترەندىن اتاپ ءوتتى. ولاردىڭ قاتارىندا ادام قىزمەتىنىڭ بارلىق سالالارىن تسيفرلاندىرۋ, ەنەرگەتيكالىق رەۆوليۋتسيا, جەر شارىنداعى تۇرعىندار سانىنىڭ جىلدام ءوسۋى, كەنتتەنۋ قارقىنى مەن سيپاتىنىڭ جانە جاھاندىق ەڭبەك نارىعىنىڭ وزگەرۋى بار. سوندىقتان دا اەف-2018 ترانسفورماتسيالاۋ اياسىندا العاش رەت ازاماتتىق قوعامنىڭ بولاشاعى ماسەلەسىن قاراستىرۋعا شەشىم قابىلدادىق. ءبىز جاڭا ازاماتتىق بەلسەندى ارەكەتتىڭ ادامداردىڭ جانە مەملەكەتتىڭ كۇندەلىكتى ومىرىنە قالاي اسەر ەتەتىنىن تالقىلاۋ ءۇشىن بەدەلدى ساراپشىلاردى شاقىردىق», — دەدى دارحان كالەتاەۆ.
د. كالەتاەۆ الەۋمەتتىك جەلىلەردىڭ حالىقتىڭ جاپپاي سانا-سەزىمىنە ىقپالى تۋرالى ءوزىنىڭ باقىلاۋىمەن ءبولىستى, سونداي-اق ازاماتتىق قوعامنىڭ ءداستۇرلى ينستيتۋتتارى حالىقتىڭ پىكىرىن ءبىلدىرۋ ءۇشىن جاڭا جەلىلىك ينستيتۋتارمەن باسەكەگە تۇسەتىنىنە توقتالدى. ونىڭ ايتۋىنشا, الەۋمەتتىك جەلىلەر مەن ينتەرنەت بىزگە ازاماتتىق بەلسەندىلىكتىڭ تاعى ءبىر ءتۇرىن اشتى — ۆيرتۋالدى بەلسەندىلىك, مۇندا كەز كەلگەن ادام مەملەكەتتىك باستامالاردى, قوعامدىق ماسەلەلەردى تالقىلاۋعا قاتىسا الادى جانە ولاردى شەشۋ بويىنشا سىندارلى ۇسىنىستار جاساي الادى.
مينيستر ازاماتتىق قوعامنىڭ جاڭا ترانسفورماتسيانىڭ باستاۋشىسى بولۋى ءتيىس ەكەنىن اتاپ ءوتتى, بۇل ءۇشىن قاجەتتى ءبىلىم الىپ, جاڭا داعدىلار مەن قۇزىرەتتەردى دامىتىپ, قارىم-قاتىناس پەن كوممۋنيكاتسيا مادەنيەتىن جەتىلدىرۋ قاجەت.
ۇەۇ دامۋىنىڭ زاماناۋي ۇردىستەرى, الەۋمەتتىك كاسىپكەرلىك جانە ازاماتتىق بەلسەندىلىك فورمالارى تۋرالى تانىمال ساراپشىلار ايتىپ بەرەدى, اتاپ ايتقاندا «تالاپ» قولدانبالى زەرتتەۋلەر ورتالىعىنىڭ باسشىسى راحىم وشاقباەۆ, «قوعامدىق ماسەلەلەردى تالداۋ ورتالىعى» قوعامدىق قورىنىڭ ديرەكتورى مەرۋەرت ماحمۇتوۆا, «ەكونوميكا جوعارى مەكتەبى» ۇزۋ ازاماتتىق قوعامدى جانە كوممەرتسيالىق ەمەس سەكتوردى زەرتتەۋ ورتالىعىنىڭ ديرەكتورى يرينا مەرسيانوۆا (ماسكەۋ, رف), AlmaU ۋنيۆەرسيتەتىنىڭ رەكتورى گۇلميرا قورعانباەۆا, ساياساتتانۋشى ساياسات نۇربەك.
پانەلدىك سەسسيا اياسىندا ازاماتتىق قوعام سالاسىندا ىسكە اسىرىلعان يننوۆاتسيالىق جوبالار مەن وزىق تاجىريبەلەرگە ارنالعان ينتەراكتيۆتى كورمە وتكىزىلدى.