مەملەكەت باسشىسىنىڭ تاپسىرماسىمەن قازاقستاننىڭ سىرتقى ىستەر ءمينيسترى قايرات ءابدىراحمانوۆ 2018 جىلعى 14 مامىردا گازا سەكتورىندا ورىن العان وقيعاعا بايلانىستى يسلام ىنتىماقتاستىق ۇيىمىنىڭ توراعاسى – تۇركيا رەسپۋبليكاسىنىڭ پرەزيدەنتى رەدجەپ تايىپ ەردوعاننىڭ باستاماسىمەن ىستانبۇلدا ۇيىمداستىرىلعان يىۇ توتەنشە سامميتىنە قاتىستى.
قازاقستان تاراپى پالەستيناداعى احۋالدىڭ شيەلەنىسۋىنە الاڭداۋشىلىعىن ءبىلدىرىپ, بەيبىت حالىققا قارسى قارۋلى كۇش قولدانىلۋىنا قارسى ەكەندىگىن جەتكىزدى, سونداي-اق زورلىق-زومبىلىقتى دەرەۋ توقتاتۋ ءۇشىن حالىقارالىق قاۋىمداستىقتى بارلىق مۇمكىن شارالاردى قولدانۋعا شاقىردى.
سونىمەن قاتار, سىرتقى ساياسات ۆەدومستۆوسىنىڭ باسشىسى ءارتۇرلى ەتنيكالىق توپتار مەن ءدىني نانىمداردى ۇستانعان حالىقتاردىڭ ورتاق ءۇيى بولىپ تابىلاتىن يەرۋساليم قالاسىنداعى پالەستينالىقتار مەن يزرايلدىكتەر ءبىر-ءبىرىنىڭ ءومىر ءسۇرۋ قۇقىقتارىنا قۇرمەت كورسەتۋ قاجەتتىلىگىن باسا ايتتى.
بۇۇ قاۋىپسىزدىك كەڭەسى مەن باس اسسامبلەياسىنىڭ شەشىمدەرى مەن قارارلارىنا قاتىستى ءوز اينىماستىعىن راستاي وتىرىپ,سىرتقى ىستەر ءمينيسترى قازاقستاننىڭ تاياۋ شىعىستاعى جاعدايدى ساياسي ديالوگ جولىمەن بەيبىت ساياسي پروتسەسىنىڭاياسىندا تولىققاندى رەتتەۋ ءۇشىن دەرەۋ, دايەكتى جانە جانجاقتىشەشىمدەر قابىلدانۋىنا قولداۋ كورسەتەتىنىن بايانداي كەلە, يزرايل مەن پالەستينا باسشىلىعىن ەكى مەملەكەتتىڭ بەيبىتشىلىكتە ءومىر ءسۇرۋىن قامتاماسىز ەتۋگە باعىتتالعان ناقتى قادامدار جاساۋعا شاقىردى.
ىستانبۇلداعى يسلام ىنتىماقتاستىق ۇيىمىنىڭ توتەنشە سامميتىنە يىۇ-نىڭ 40-تان استام مۇشە ەلدەرىنەن مەملەكەت, ۇكىمەت, پارلامەنت باسشىلارى مەن سىرتقى ىستەر مينيسترلەرى قاتىستى.
سامميت ناتيجەسىندە كومميۋنيكە قابىلداندى. قۇجاتتا يىۇ ەلدەرىنىڭ وكىلدەرى پالەستينا حالقىنا تولىق جانە جانجاقتى قولداۋ ءبىلدىردى.
ءسامميتتىڭ اياسىندا ق. ءابدىراحمانوۆتىڭ بۇۇ باس حاتشىسىنىڭ ساياسي ماسەلەلەرى بويىنشا كومەكشىسى ميروسلاۆ ەنچامەن كەزدەسۋى ءوتتى.
سۇحباتتاسۋشىلار بىرىككەن ۇلتتار ۇيىمىنىڭ شەڭبەرىندە, ونىڭ ىشىندە قازاقستاننىڭ بۇۇ قاۋىپسىزدىك كەڭەسىندەگى مۇشەلىگى تۇرعىسىنداوزارا ءىس-قيمىلدىڭ وزەكتى ماسەلەلەرىن تالقىلادى.