ادىلەت ءمينيسترى نيۋ-يوركتە بۇۇ قاۋىپسىزدىك كەڭەسىنە قاتىستى

ۆەدومستۆو مالىمەتىنشە, 17 مامىردا نيۋ-يوركتە بۇۇ قاۋىپسىزدىك كەڭەسىندە "حالىقارالىق بەيبىتشىلىك پەن قاۋىپسىزدىكتى قولداۋ تۇرعىسىندا حالىقارالىق قۇقىق نورمالارىن ساقتاۋدى قامتاماسىز ەتۋ" اشىق تالقىلاۋى وتكىزىلدى. كەڭەس پولشا پرەزيدەنتى اندجەي دۋدانىڭ توراعالىعىمەن وتكىزىلدى.

قازاقستان قاۋىپسىزدىك كەڭەسىنىڭ تۇراقتى ەمەس مۇشەسى بولىپ تابىلادى. وتىرىستا ەلىمىزدى ادىلەت ءمينيسترى مارات بەكەتاەۆ تانىستىردى.

ادىلەت مينيسترلىگى حالىقارالىق ارەنادا ەل مۇددەسىن قورعاۋدا جانە مەملەكەتارالىق شارتتاردى دايىنداۋدا ماڭىزدى ءرول اتقارادى.

ءوز سوزىندە ادىلەت ءمينيسترى بەيبىتشىلىك پەن قاۋىپسىزدىكتى قولداۋعا قاجەتتى بىرنەشە پروبلەمالىق ماسەلەلەردى اتاپ كورسەتىپ, ولاردى شەشۋ ءۇشىن بىرقاتار ۇسىنىستار ۇسىندى.

مينيسترلىكتىڭ مالىمەتىنشە, 2045 جىلعى بۇۇ-نىڭ 100 جىلدىعىنا قاراي بەيبىتشىلىككە قاقتىعىسسىز قول جەتكىزۋ قاجەت, ءدال وسى يدەيانى قازاقستان پرەزيدەنتى نۇرسۇلتان نازارباەۆ ءوزىنىڭ "مير. XXI ۆەك" اتتى مانيفەستىندە ۇسىندى. بۇعان قول جەتكىزۋ جانە وسكەلەڭ ۇرپاقتى سوعىس اپاتىنان قۇتقارۋ ءۇشىن مانيفەست الەمگە تونگەن قاۋىپ-قاتەردى بولدىرماۋعا جانە جويۋعا ارنالعان قاجەتتى ۇجىمدىق شارالاردى جانە وسى ماقساتقا جەتۋدەگى ءاربىر مەملەكەتتىڭ جاۋاپكەرشىلىگىن انىقتايدى.

ەكىنشىدەن, مينيستر حالىقارالىق بەيبىتشىلىك پەن قاۋىپسىزدىكتى قولداۋدىڭ باستى قۇرالى بولىپ تابىلاتىن وڭىرلىك جانە قوسالقى وڭىرلىك ۇيىمداردىڭ ماڭىزدى ءرولىن اتاپ كورسەتتى. سوندىقتان, قاۋىپسىزدىك كەڭەسىنىڭ وتىرىستارىن باسقا دا وڭىرلىك ورتالىقتاردا وتكىزۋ مۇمكىندىگى تۋرالى ويلانعان ءجون.

وسىعان وراي, مارات بەكەتاەۆ تالقىلاۋ قاتىسۋشىلارىنا قازاقستان پرەزيدەنتىنىڭ كايردان سەۋلگە دەيىنگى 26 ەل شيرەك عاسىر بويى پرەۆەنتيۆتى ديپلوماتيا سالاسىندا تابىستى جۇمىس جاساپ كەلە جاتقان ازياداعى ءوزارا ءىس-قيمىل جانە سەنىم شارالارى كونفەرەنتسياسىن قۇرۋ باستاماسى تۋرالى ايتىپ ءوتتى.

ءسوز سوڭىندا ادىلەت ءمينيسترى جاھاندىق پروبلەمالاردى شەشۋگە ارنالعان حالىقارالىق قۇقىقتىڭ جانە ونىڭ تەتىكتەرىنىڭ ءرولىن كۇشەيتۋدە ماڭىزى بار تاقىرىپتى تالقىلاعانى ءۇشىن پولشا باسشىلىعىنا العىسىن ءبىلدىردى.