پارلامەنت سەناتىنىڭ توراعاسى قاسىم-جومارت توقاەۆ بەلگىلى ساياساتكەر, حادسون ينستيتۋتىنىڭ اعا عىلىمي قىزمەتكەرى, «ەۋرازيا تاڭى» («The Dawn of Eurasia») كىتابىنىڭ اۆتورى برۋنۋ ماسايشتى قابىلدادى.
ساياساتكەر بۇل كىتاپتا جىبەك جولىنىڭ جاڭا تۇجىرىمداماسى تۇرعىسىندا قىتايدىڭ اۋقىمدى ينفراقۇرىلىمدىق ء«بىر بەلدەۋ, ءبىر جول» جوباسىندا ەۋرازيانىڭ كەلەشەگى كورىنىس تاپقانىن, گونكونگ پەن سينگاپۋردىڭ جەمىستى دامۋىن, سونداي-اق تۇركيانىڭ جاھاندىق ءرولى ارتا تۇسكەنىن شىنايى جەتكىزىپ وتىر.
سەنات توراعاسى وسىعان بايلانىستى ەۋرازيا قۇرلىعىنىڭ شىعىسى مەن باتىسىن, سولتۇستىگى مەن وڭتۇستىگىن جالعاستىراتىن ترانزيت اۋماق رەتىندە ءبىزدىڭ ەلىمىزدىڭ ستراتەگيالىق ورنىن نىعايتۋعا جاردەمدەسەتىن قىتاي مەگاجوباسىنىڭ الەۋەتى جوعارى ەكەنىن اتاپ ءوتتى. كولىك-لوگيستيكا حابى رەتىندە قازاقستان باستى ءرول اتقاراتىن بولادى جانە ەلدىڭ ينۆەستيتسيالىق تارتىمدىلىعى ارتا تۇسەدى.