17 مامىردا اقتاۋ قالاسىندا جاستار ءۇيىنىڭ الاڭىندا قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى قازاقستان رەسپۋبليكاسىنىڭ مەملەكەتتىك قىزمەت ورگاندارىنىڭ 20 جىلدىعىنا ارنالعان بىرىڭعاي تاقىرىپتىق ساعات ۇيىمداستىردى.
تاقىرىپتىق ساعاتقا اقتاۋ قالاسىنىڭ جالپى ءبىلىم بەرۋ ورىندارى مەن گيمنازيالاردىڭ وقىتۋشىلارى جانە 150 جۋىق وقۋشىلارى قاتىستى.
ءىس-شارانىڭ ماقساتى – مەملەكەتتىك قىزمەت تۋرالى زاڭنامانىڭ نەگىزگى تالاپتارىن, مەملەكەتتىك قىزمەت ورگاندارىنىڭ قالىپتاسۋ جانە دامۋ كەزەڭدەرىنىڭ اشىپ كورسەتۋ جانە اكادەميالىق ورتادا سىبايلاس جەمقورلىققا قارسى مادەنيەتتى قالىپتاستىرۋ.
شارانى وبلىستىق ءبىلىم باسقارماسى باسشىسىنىڭ مىندەتىن اتقارۋشى ن.قويجانوۆ اشىپ, بىرىڭعاي ساعاتتىڭ ماقساتى مەن مىندەتتەرى تۋرالى قىسقاشا اقپارات بەرىپ, «ادال ۇرپاق» مەكتەپ كلۋبتارىنىڭ 2017-2018ج.ج. وقۋ جىلىنداعى جۇمىس ناتيجەلەرى تۋرالى بايانداپ ءوتتى.
ءوز كەزەگىندە اۋماقتىق دەپارتامەنتتىڭ باسشىسى ن.جاننازاروۆا تىڭداۋشىلارعا مەملەكەتتىك قىزمەت ورگاندارىنىڭ قالىپتاسۋىنىڭ نەگىزگى كەزەڭدەرىمەن, مەملەكەتتىك قىزمەت سالاسىنداعى زاڭناما تالاپتارى بويىنشا, قوعامدا سىبايلاس جەمقورلىققا قارسى مادەنيەتتى قالىپتاستىرۋدىڭ ماڭىزدىلىعى جانە اگەنتتىك باستاماسىمەن قولعا الىنعان سىبايلاس جەمقورلىق پروفيلاكتيكاسى باعىتىنداعى جوبالار تۋرالى ءسوز قوزعادى.
بىرىڭعاي ساعات بارىسىندا مەكتەپ وقۋشىلارى ءوز پىكىرلەرىن ورتاعا سالىپ, كوكەيىندەگى سۇراقتارىن اۋماقتىق دەپارتامەنت باسشىسىنا تىكەلەي قويۋعا مۇمكىندىكتەرى بولدى. وقۋشىلاردىڭ اراسىنان اقتاۋ قالالىق №13 ورتا مەكتەبىنىڭ تۇلەكتەرى ەرەكشە بەلسەندىلىك كورسەتتى. ولار بەلسەندى تۇردە سۇراق قويۋمەن قاتار, زاماناۋي جاعدايداعى قازاقستاننىڭ بولاشاعىنا قاتىستى ءوز كوزقاراستارىن ءبىلدىردى.
ءىس-شارا اگەنتتىك قىزمەتىنىڭ نەگىزگى باسىمدىقتارى, مەملەكەتتىك قىزمەتكە كىرۋ جانە قىزمەتتەردى ەلەكتروندىق فورماتتا الۋ بويىنشا بەينەروليكتەردى كورسەتۋمەن اياقتالدى.
مەملەكەتتىك قىزمەت ورگاندارىنىڭ 20 جىلدىعىنا ارنالعان بىرىڭعاي تاقىرىپتىق ساعات قالا جانە اۋداندارداعى بارلىق جوعارى, كاسىپتىك-تەحنيكالىق جانە ورتا وقۋ ورىندارىندا ۇيىمداستىرىلىپ, جالپى سانى 25 مىڭعا جۋىق ادامدى قامتىدى.
گۇلايىم شىنتەمىرقىزى, «ەگەمەن قازاقستان»