ەلباسى قابىلدادى

مەملەكەت باسشىسى نۇرسۇلتان نازارباەۆ قازاقستان رەس­پۋب­ليكاسى قارجى مينيسترلىگىنىڭ كەدەندىك باقىلاۋ كومي­تە­تى­نىڭ توراعاسى سەرىك بايماعانبەتوۆتى قابىلدادى, دەپ حابار­لا­دى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. س.بايماعانبەتوۆ پرەزيدەنتتى ۆەدومستۆونىڭ 2011 جىلعى جۇ­مى­سىنىڭ نەگىزگى قورىتىن­دى­لا­رى تۋرالى حاباردار ەتتى. اعىمداعى جىلدىڭ 11 ايىندا كەدەن ورگاندارى تاراپىنان سو­ما­سى 1 ترلن. 32 ملرد. تەڭگە كولە­مىن­دە كەدەندىك تولەمدەر مەن سا­لىق ءتۇسىمى بيۋدجەتتىڭ كىرىسىن قام­تاماسىز ەتتى. تاپسىرمانىڭ ورىن­دالۋ بولجامى 106 پايىزدى قۇرا­دى. وتكەن جىلدىڭ وسىنداي كە­زە­ڭىمەن سالىستىرعاندا بيۋد­جەتكە كەدەندىك تولەمدەر مەن سالىقتار 389 ملرد. تەڭگە كوپ اۋدارىلعان. پرەزيدەنت كەدەندىك اكىم­شى­لەندىرۋ مەن باقىلاۋدىڭ تيىمدىلىگىن ارتتىرۋ, سونداي-اق كونتراباندامەن كۇرەستى كۇشەيتۋ ءجو­نىن­دە بىرقاتار ناقتى تاپسىرمالار بەردى.