جىل باسىنان بەرى اقتاۋ قالاسى اۋماعىندا 24 ءورت وقيعاسى تىركەلسە, سونىڭ ىشىندە تۇرعىن سەكتوردا 6 ءورت وقيعاسى بولعان. 2017 جىلدىڭ ءتورت ايىندا تۇرعىن ءۇي سەكتورلارىندا 8 ءورت وقيعاسى تىركەلگەن, 33% ازايعان.
وسى جىلدىڭ 14 مامىر كۇنى اقتاۋ قالاسى توتەنشە جاعدايلار باسقارماسىنىڭ ينجەنەرلىك قۇرامى جەرگىلىكتى پوليتسيا قىزمەتكەرلەرىمەن بىرلەسە وتىرىپ, اقتاۋ قالاسى 3 شاعىن اۋدانىنىڭ تۇرعىندارىنا, تۇرعىن سەكتورلارداعى ءورتتى, ءورت سالدارىنان قازا بولاتىن ادام شىعىنىن بولدىرماۋ ماقساتىندا, سونىمەن قاتار ادام دەنساۋلىعىنا جانە ومىرىنە قاۋىپتىڭ الدىن الۋ ماقساتىندا, بۇقارالىق اقپارات قۇرالدارىن تارتا وتىرىپ, پرافيلاكتيكالىق ۇگىت-ناسيحات جۇمىستارىن جۇرگىزدى. باسقارما قىزمەتكەرىلەرىمەن 100-گە جۋىق قالا تۇرعىندارىنا نۇسقاما جۇرگىزىلىپ, ءورت قاۋىپسىزدىگى تۋرالى 127 جادىناما تاراتىلدى.
- ءورتتى تالداۋ ناتيجەلەرى كورسەتكەندەي, ءورتتىڭ نەگىزگى شىعۋ سەبەپتەرى كەلەسىدەي: بىرىنشىدەن, وتتى ابايسىزدا قولدانۋ, ەكىنشىدەن, ءۇي جاعدايىنداعى تۇرمىستىق ەلەكتر جانە گاز قولدانۋ قۇرىلعىلارىن پايدالانعاندا ءورت قاۋىپسىزدىك ەرەجەلەرىنىڭ ساقتالماۋى, ۇشىنشىدەن, توق سىمدارىنىڭ قىسقاشا تۇيىقتالۋى مەن بالالاردىڭ وتپەن ويناۋى.
تۇرعىندار اراسىندا جۇرگىزىلىپ جاتقان ۇگىت-ناسيحات, تۇسىندىرمە جۇمىستارى وڭ ناتيجە بەرىپ, تۇرعىنداردىڭ ءورت قاۋىپسىزدىگىنە دەگەن مۇقيات بولۋى قاداعالانادى دەگەن ۇمىتتەمىز, دەيدى اقتاۋ قالاسى توتەنشە جاعدايلار باسقارماسىنىڭ ينجەنەرى ازاماتتىق قورعاۋ اعا لەيتەنانتى ر. تۇبەكباەۆا.
گۇلايىم شىنتەمىرقىزى, «ەگەمەن قازاقستان»