14 مامىر كۇنى بەلارۋس رەسپۋبليكاسىنىڭ مينسك قالاسىندا XXV-ءشى «تيبو-2018» حالىقارالىق اكت فورۋمى باستالدى. اتالعان فورۋم, اقپاراتتىق تەحنولوگيالار سالاسىنداعى جاڭا جەتىستىكتەر مەن وزىق تاجىريبەنى بولىسۋگە ارنالعان الاڭشا بولىپ سانالادى.
حالىقارالىق ۇيىمدارمەن جانە باسقا ەلدەردىڭ ات-قوعامداستىعىمەن ارىپتەستىك قارىم-قاتىناس ورناتۋ, سونداي-اق شەتەلدىك رەزيدەنتتەردى, ارىپتەستەردى جانە ينۆەستورلاردى تارتۋ ماقساتىندا, Astana Hub حالىقارالىق ءىت-ستارتاپتار تەحنوپاركى فورۋمعا باسقا ءىت-كومپانيالارمەن بىردەي قاتىسۋ ءۇشىن ءوز رەزيدەنتتەرىن جىبەردى. قازاقستاننىڭ 128 ش.م.-لىك بولەك ستەندىندە تەحنوپاركتىڭ كەلەسى 5 ستارتاپى ۇسىنىلعان:
Jaybox – نوۋتبۋك تەمىرىمەن شاعىن كورپۋستى كىشكەنتاي پروەكتور;
Eventum.one — event-يندۋستريا سالاسىنداعى ماركەتينگ جانە بيلەتتەر ساتىلىمىن اۆتوماتتاندىرۋ بويىنشا ۇلتتىق شەشىم;
Game of Drones — دروندار باسقارىلاتىن ونلاين ويىن;
سمارتزاپراۆكا — كليەنتتەرگە ءوز كولىگىنەن شىقپاي, جانار-جاعارماي قۇيىپ الۋعا كومەكتەسەتىن ءموبيلدى قولدانبا
AI Labs — ۆيرتۋالدىق كومەكشىسى كىرىكتىرىلگەن ومنيارنالى بايلانىس ورتالىعى.
ءىس-شارانىڭ رەسمي اشىلۋى بارىسىندا, Astana Hub رەزيدەنتتەرى Insight ستارتاپ-اكسەلەراتورىنا بارىپ, بەلورۋسسيانىڭ ستارتاپ-ەكوجۇيەسىن قالىپتاستىرۋ جونىندەگى تاجىريبەسىمەن بولىسكەن TDIgroup سەو سەرگەي دروبىشەۆسكيمەن اڭگىمەلەستى. بەلورۋسسيالىق اكسەلەراتوردىڭ وكىلدەرى دە Astana Hub قىزمەتىمەن جانە اكسەلەراتسيا باعدارلاماسىنىڭ ءبىرىنشى اعىنىنداعى جوبالارمەن تانىسىپ شىقتى.
بۇدان بولەك, قازاقستان دەلەگاتسياسىنىڭ وكىلدەرى startup hub Imaguru.by تاراپىنان ۇيىمداستىرىلعان Belarus Startup Ecosystem Builders ءىس-شاراسىنا بارىپ كەلدى. مينسك ستارتاپ-ەكوجۇيەسىنىڭ بارلىق ويىنشىلارىن بىرىكتىرگەن بۇل الاڭشادا ۇسىنىلعان قازاقستاننىڭ جوبالارى بەلورۋسسيانىڭ ۆەنچۋرلىق قور وكىلدەرىنىڭ, ينۆەستورلارىنىڭ ەرەكشە قىزىعۋشىلىعىن تۋدىردى. فورۋمنىڭ ءبىرىنشى كۇنىندە كوممۋنيكاتسيالىق الاڭشالارعا بارۋدىڭ ارقاسىندا, قازاقستاننىڭ جاڭا باستاۋشى ات-كاسىپكەرلەرى تاجىريبە الماسۋ جانە بولاشاقتا بىرلەسكەن تەحنولوگيالىق جوبالاردى ىسكە اسىرۋ ءۇشىن پايدالى قارىم-قاتىناس ورناتۋ مۇمكىندىگىنە يە بولدى.
Astana Hub تەحنوپاركى 2018 جىلدىڭ ىشىندە Road Show ارنايى جوباسىنىڭ شەڭبەرىندە بىرنەشە حالىقارالىق ات-فورۋملار مەن كونفەرەنتسيالارعا قاتىسپاق – وسىلايشا, تەحنوپارك رەزيدەنتتەرى حالىقارالىق ارىپتەستىك بايلانىس ورناتۋ, شەتەلدىك ينۆەستورلاردى تارتۋ, حالىقارالىق ات-قوعامداستىقتىڭ Astana Hub تەحنوپاركىنىڭ قىزمەتى تۋرالى حاباردارلىق دەڭگەيىن كوتەرۋ جانە ستارتاپتاردى سىرتقى نارىقتارعا شىعارىپ, ماسشتابتاۋ جانە قازاقستاندا ات-نارىتى دارىپتەۋ مۇمكىندىگىنە يە بولادى.
«مينسك قالاسىنداعى «تيبو» سياقتى حالىقارالىق كۇن ءتارتىبى بەلگىلەنگەن ات-فورۋمدارعا قاتىسۋ – جاڭا باستاۋشى كاسىپكەرلەر ءۇشىن دە, وسى سالانىڭ اسا تاجىريبەلى وكىلدەرى ءۇشىن دە دۇرىس ينۆەستيتسيا. بۇگىنگى تاڭدا, Astana Hub تەحنوپاركىنىڭ 5 ستارتاپ-كومانداسى ءدال وسى جەردە, تمد اۋقىمىنداعى ەڭ تانىمال فورۋمداردىڭ بىرىندە ۇسىنىلعان. Astana Hub تەحنوپاركى ءوز رەزيدەنتتەرىنىڭ بيزنەسىن دامىتۋ ءۇشىن جايلى تەحنيكالىق جاعداي جاساۋمەن عانا شەتتەپ قالماي, بيزنەس-بايلانىستاردى, حالىقارالىق قاتىناستاردى نىعايتۋعا جانە ينۆەستورلاردى تارتۋعا دا قولعابىس ەتەدى. سوندىقتان دا, وسى باعىتتى ىسكە اسىرۋ ءۇشىن Road Show ارنايى جوباسى ازىرلەنگەن بولاتىن. مىسالى, «تيبو – 2018» ءىس-شاراسىنا الەمنىڭ 15 ءتۇرلى ەلىنىڭ وكىلدەرى – 100-دان استام كومپانيا قاتىسادى, ولاردىڭ اراسىندا ەۋرازيالىق وڭىرگە باعدارلانعان قىزمەتپەن اينالىساتىن تىركەمەلى ينۆەستورلار دا بار. مۇندا, ەكسپانسياعا دايىندالىپ جاتقان قازاقستاندىق كومپانيالارىمىزعا, «تيبو» فورۋمىنىڭ الاڭشاسى ۇسىناتىن وسى رەسۋرستار مەن قۇرالدار حالىقارالىق ىسكەرلىك كوممۋنيكاتسيالاردى ورناتۋ ءۇشىن وتە پايدالى بولادى» - دەپ مالىمدەدى «زەردە» ۇلتتىق ينفوكوممۋنيكاتسيا حولدينگى توراعاسىنىڭ ورىنباسارى جانە «تيبو – 2018» فورۋمىنداعى قازاقستاندىق دەلەگاتسيانىڭ وكىلى, پاۆەل كوكتىشەۆ.
Astana Hub رەزيدەنتتەرىنىڭ وزدەرى بولسا, «تيبو» فورۋمىنا قاتىسۋ – ەڭ الدىمەن, تاجىريبە جيناۋ جانە شەتەلدىك نارىقتى زەرتتەۋ مۇمكىندىگى دەپ اتاپ وتۋدە:
«فورۋمعا قاتىسۋدىڭ ارقاسىندا, حالىقارالىق الاڭشادا سەنىمدى بولۋىمىز ءۇشىن مول تاجىريبە جيناقتاۋ مۇمكىندىگىنە يە بولىق. قازىردىڭ وزىندە بىرنەشە ءىس-شاراعا قاتىستىق, سونىڭ ىشىندە ۆەنچۋرلىق كومپانيالارمەن دە كەزدەستىك, جەرىگىلىكتى ينكۋباتورلار مەن اكسەلەراتورلارعا بارىپ كەلدىك – وسىلايشا, ولاردىڭ جۇمىسىنىڭ قالاي جۇرگىزىلەتىنىن تۇسىندىك, الەۋەتتى ارىپتەستەرمەن تاجىريبە الماستىق جانە بايلانىس ورناتتىق. جالپى, وسىنىڭ بارلىعىن باقىلاي كەلە, قازاقستاندىق ستارتاپتاردىڭ دامۋ دەڭگەيىن اۋىز تولتىرىپ ايتارلىق دەۋگە بولادى – كوماندالارىمىزدىڭ كوبىسى تمد اۋماعىنداعى كورشىلەس ەلدەردىڭ مالىمدەگەن جوبالارىنا دەس بەرمەيدى – قازىر حالىقارالىق نارىقتىڭ باعىتتارىن زەرتتەي كەلە, باسەكەگە قابىلەتتى بولا الاتىنىمىزدى تۇسىنەمىز» - دەپ ءوز ويىمەن ءبولىستى “Game of Drones” ستارتاپ-جوباسىنىڭ نەگىزىن قالاۋشى, ابىلايحان جاكانوۆ.
2018 جىلعى فورۋمنىڭ تاقىرىبى – تەلەكوممۋنيكاتسيالىق جانە جەلىلىك ينفراقۇرىلىم, تەلەۆيزيالىق, مۋلتيمەديالىق تەحنولوگيالار جانە ويىن تەحنولوگيالارى, ينتەرنەت تەحنولوگيالارى جانە قىزمەتتەر, روبوت تەحنيكاسى, «اقىلدى قالا» جانە «اقىلدى ءۇي» تەحنولوگيالارى جانە باسقالار بولدى. ەكسپوزيتسيا قوعام مەن مامانداردىڭ نازارىن زامانعا ساي الەمدىك ترەندتەردى قولدانۋ ارقىلى ەكونوميكانى تسيفرلىق تۇرلەندىرۋ ۇدەرىستەرىنە اۋدارۋعا باعىتتالعان.