الان اجىباەۆ «حابار» اگەنتتىگى» اق-نىڭ باسقارما توراعاسى بولىپ تاعايىندالدى. بۇل تۋرالى «حابار» تەلەارناسىنىڭ سايتىندا ايتىلعان.
اتاپ وتىلگەندەي, «حابار» اگەنتتىگى» اق باسقارما ءتورايىمى لاۋازىمىن ەكى جىل بويى اتقارعان الماگۇل احمەتجانوۆا قىزمەتىنەن بوساتىلدى.
الان عازيز ۇلى اجىباەۆ 1974 جىلعى 22 قاڭتاردا الماتى قالاسىندا تۋعان. قازاق جانە ورىس تىلدەرىن مەڭگەرگەن.
1996 جىلى اباي اتىنداعى الماتى مەملەكەتتىك ۋنيۆەرسيتەتىن بىتىرگەن, سونداي-اق ۇلىبريتانيانىڭ لانكشير ۋنيۆەرسيتەتىنىڭ «باق-تاعى مەنەدجمەنت» سەرتيفيكاتىنا يە.
1994-1995 جىلدارى «ماكس» تەلەراديوكومپانياسىندا راديوجۇرگىزۋشى, 1995-1997 جىلدارى «31-ارنادا» تەلەجۇرگىزۋشى بولىپ جۇمىس ىستەدى, 1997-1998 جىلدارى «City» تەلەراديوكومپانياسى» جشس باعدارلامالار جونىندەگى ديرەكتورى, 1999 جىلى «راديو كاراۆان» ديرەكتورى لاۋازىمدارىن اتقاردى.
1999-2008 جىلدار ارالىعىندا كاسىپكەرلىك قىزمەتپەن اينالىستى. ودان كەيىنگى جىلداردا «تاڭ» تەلەراديوكومپانياسى» جشس-ءتىڭ, «تەنگري فم» راديوسىنىڭ باس پروديۋسەرى, 2012-2014 جىلدارى «SKYMAX MEDIA» باس ديرەكتورى, 2014-2016 جىلدارى «ايقىن» جانە «ليتەر» قوعامدىق-ساياسي گازەتتەرىنىڭ ديرەكتورى بولدى.
2016-2018 جىلدارى قازاقستان رەسپۋبليكاسىنىڭ اقپارات جانە كوممۋنيكاتسيالار ۆيتسە-ءمينيسترى لاۋازىمىن اتقاردى. الماگۇل اۋعاليقىزى احمەتجانوۆا 1975 جىلى 4 جەلتوقسان كۇنى الماتى قالاسىندا دۇنيەگە كەلگەن.
1998 جىلى ءال-فارابي اتىنداعى قازاق ۇلتتىق ۋنيۆەرسيتەتىن «الەۋمەتتانۋ» ماماندىعى بويىنشا بىتىرگەن. ماگيستر دارەجەسى بار. اگەنتتىكتەگى قىزمەتىن 1999 جىلى باس رەداكتور رەتىندە باستاعان. كەيىن پروديۋسەر, 2002-2004 جىلدارى باعدارلامالار ديرەكتسياسى باسشىسىنىڭ ورىنباسارى, 2005-2011 جىلدارى باعدارلامالار ديرەكتورى, 2012-2016 جىلدارى - باسقارما توراعاسىنىڭ ءبىرىنشى ورىنباسارى قىزمەتتەرىن اتقاردى.