رەسپۋبليكا پرەزيدەنتى نۇرسۇلتان نازارباەۆتىڭ قازاقستان حالقىنا ۇندەۋىندە كورسەتىلگەن بەس الەۋمەتتىك باستاما بۇگىندە الەمدىك ساراپشىلار مەن مۇددەلى حالىقارالىق ۇيىمداردىڭ نازارىن وزىنە اۋدارىپ وتىر. تۇپتەي كەلگەندە الەمدەگى ءار ەل وزدەرىندەگى جيناقتالىپ, قوردالانىپ قالعان الەۋمەتتىك تۇيىندەردى شەشۋ جولدارىن دەربەس وزدەرى قاراستىرۋى ءتيىس دەي تۇرساق تا, قازىرگى كەزدە بۇل جايت عالامدىق جانە حالىقارالىق سيپات الا باستاعانى دا ەشقانداي تالاس تۋعىزبايدى.
وسى ورايدا وتكەن اپتادا اقتوبەدە اقتوبە وبلىسىنىڭ اكىمى بەردىبەك ساپارباەۆتىڭ باستاماسى بويىنشا وتكىزىلگەن حالىقارالىق فورۋم العا قويىلعان ماقساتتى ورىنداپ شىقتى دەۋگە بولادى. وعان الەمنىڭ ءار تۇپكىرىنەن مىڭنان استام ساراپشىلار قاتىستى. بۇل رەتتە ونىڭ گەوگرافياسىنىڭ كەڭدىگى مەن اۋقىمدىلىعى, تاياۋ جانە الىس شەت ەلدەردەگى مەملەكەتتىك ورگاندار مەن بيزنەس وكىلدەرىنىڭ جانە ۇكىمەتتىك ەمەس ۇيىمدار قااۋىمداستىعىنىڭ باستارىن قوسۋعا تۇرتكى بولعانى – فورۋمنىڭ باستى ارتىقشىلىعى بولدى. فورۋمدا قازاقستان يزرايل, تۇركيا, پولشا, گرۋزيا جانە قىرعىزستان ەلدەرىنەن كەلگەن الەۋمەتتىك سالانىڭ جاناشىرلارى ۇتىمدى ۇسىنىستارى مەن كوڭىلگە قونىمدى وي-پىكىرلەرىن ورتاعا سالدى.
حالىقارالىق فورۋمنىڭ اشىلۋىندا ەڭبەك جانە حالىقتى الەۋمەتتىك قورعاۋ ءمينيcترى م.ە.ابىلقاسىموۆا ءسوز سويلەدى. سونداي-اق فورۋمدا الەۋمەتتىك پروبلەمالاردىڭ شەشىمىن وڭ شەشىمىن تابۋىنا سەپتىگى مەن كومەگىن تيگىزە الاتىن كاسىپكەرلىكتىڭ جاڭا باعىتتارى مەن جولدارىن ىزدەستىرۋ جانە ونى الەمدىك ترەندتەردىڭ تاسقىنىنا سايكەستەندىرۋ ءارى الەمدەگى ەلدەرگە ورتاق حالىقارالىق تاجىريبەنى ودان ءارى بايىتا ءتۇسۋ جونىندە قۇندى وي-پىكىرلەر ايتىلدى.
اقتوبە ايماعىندا جىل سايىن الەۋمەتتىك كاسىپكەرلىك نىساندار مەن مەملەكەت-جەكەمەنشىك ارىپتەستىگى اياسىندا بوي كوتەرگەن ءساندى دە ساۋلەتتى الەۋمەتتىك قۇرىلىستار كەڭىنەن قانات جايىپ كەلەدى. ونىڭ ۇستىنە بيىلعى جىلى وڭىردەگى اتقارۋشى ورگاندار مەن بيزنەس جانە كاسىپكەرلىك قۇرىلىمدار وكىلدەرى, ۇكىمەتتىك ەمەس ۇيىمدار ۇەۇ قاۋىمداستىعى ءبىر جاعادان باس, ءبىر جەڭنەن قول شىعارا وتىرىپ, الەۋمەتتىك ماسەلەلەردى شەشۋ مەن رەتتەۋ ىسىنە جاڭا سەرپىن بەرۋگە ءبىر كىسىدەي جۇمىلعان. مۇنىڭ ىشىندە بيىل ىسكە اساتىن «انالارعا تاعزىم» جانە «باقىتتى بالا» جوبالارىنىڭ شوقتىعى بيىك تۇرعانى دا وزگە ءبىر اڭگىمەنىڭ سىباعاسى. ءبىر سوزبەن ايتقاندا وبلىستا حالىقرارالىق فورۋمعا قاتىسۋشىلار نازار اۋدارا الاتىنداي وڭ مىسالدار مول, ءارى ۇيرەنۋگە تۇراتىنداي ۇردىستەر دە جەتكىلىكتى. وسى ورايدا وڭىردەگى اتالعان نىسانداردى تانىستىرۋ ءراسىمى جانە سەمنارلار مەن جاڭا فورماتتاعى شەبەرلىك كلاستارى وتكىزىلگەنى –حالىقارالىق سيپاتتاعى باسقوسۋدىڭ مازمۇنىن ودان ءارى كوتەرىپ, ءپىشىنىن تۇرلەندىرە تۇسكەنى انىق. ەكى كۇنگە سوزىلعان حالىقارالىق فورۋمنىڭ قورىتىندىسىندا ءتيىستى قارار قابىلدانىپ, بىرقاتار مەموراندۋمدارعا قول قويىلدى.
تەمىر قۇسايىن,
«ەگەمەن قازاقستان»
اقتوبە