قىزىلوردا قالاسىنداعى ع.مۇراتباەۆ اتىنداعى ورتالىق ستاديونىندا قازاقستان رەسپۋبليكاسى ءبىلىم جانە عىلىم مينيسترلىگى «ۇلتتىق عىلىمي-پراكتيكالىق دەنە تاربيەسى ورتالىعىنىڭ» ۇيىمداستىرۋىمەن «استانا قالاسىنىڭ 20 جىلدىق» مەرەيتويىنا ارنالعان مەكتەپ پەن كوللەدج وقۋشىلارى اراسىنداعى قازاقستان رەسپۋبليكاسىنىڭ ءىح-جازعى سپارتاكياداسىنىڭ اشىلۋ سالتاناتى ءوتتى.
جارىستىڭ اشىلۋ سالتاناتىندا قازاقستان رەسپۋبليكاسى ءبىلىم جانە عىلىم مينيسترلىگى «ۇلتتىق عىلىمي-پراكتيكالىق دەنە تاربيەسى ورتالىعىنىڭ» باس ديرەكتورى سادىق مۇستافاەۆ ءسوز سويلەپ, جاسوسپىرىمدەرگە ساتتىلىك تىلەدى.
سپارتاكيادانىڭ اشىلۋ سالتاناتىنا قىزىلوردا وبلىسى ءماسليحاتىنىڭ حاتشىسى ناۋرىزباي بايقاداموۆ, قىزىلوردا وبلىسى ءبىلىم باسقارماسى باسشىسىنىڭ مىندەتىن اتقارۋشى اقزيرا قاسىموۆا, قىزىلوردا وبلىسى ايماقتىق دەنە تاربيەسى مەتوديكالىق ورتالىعىنىڭ ديرەكتورى باۋىرجان ابەنعاليەۆ جانە ەلىمىزدەگى وبلىستاردىڭ ايماقتىق دەنە تاربيەسى مەتوديكالىق ورتالىقتارىنىڭ ديرەكتورلارى قاتىستى.
باقتيار تايجان,
«ەگەمەن قازاقستان».
قىزىلوردا وبلىسى.