قازاقستاننىڭ سىرتقى ىستەر مينيسترلىگى 2018 جىلعى 14-15 مامىردا استانا پروتسەسى اياسىندا كەپىلگەر ەلدەردىڭ سيريا بويىنشا كەزەكتى ءىح حالىقارالىق جوعارى دەڭگەيدەگى كەزدەسۋى استانادا وتەتىنىن راستادى.
كەزدەسۋگە كەپىلگەر مەملەكەتتەر – يران, رەسەي جانە تۇركيادان باسقا سيريا ۇكىمەتى مەن وپپوزيتسيالىق توپتاردىڭ دەلەگاتسيالارى, سونداي-اق بۇۇ جانە باقىلاۋشىلار رەتىندە اقش پەن يوردانيا شاقىرىلدى.
كەپىلگەر ەلدەردەن تۇسكەن اقپاراتقا سايكەس, استاناداعى كەلىسسوزدەر بارىسىندا تاراپتار سيرياداعى, ونىڭ ىشىندە دەەسكالاتسيا ايماقتارىنداعى قازىرگى جاعدايدى قاراستىرۋعا, گۋمانيتارلىق ماسەلەلەردى جانە سەنىمدى نىعايتۋ شارالارىن تالقىلاۋعا, سونداي-اق وسى اراب ەلىندەگى داعدارىستى رەتتەۋ ۇدەرىسىن ىلگەرىلەتۋ بويىنشا كەلەسى قادامداردى ۇيلەستىرۋگە نيەتتى.
ەكىجاقتى جانە كوپجاقتى كونسۋلتاتسيالاردى 14 مامىردا, ال پلەنارلىق وتىرىستى 15 مامىردا وتكىزۋ جوسپارلانۋدا.