وبلىس ورتالىعىنداعى تۇڭعىش ءارى جالعىز ۇلتتىق تاربيە ورتالىعى سانالاتىن “سالتانات” بالاباقشاسى وسىدان تۇپ-تۋرا 20 جىل بۇرىن بوي كوتەرگەن بولاتىن. سودان بەرى ونىڭ قابىرعاسىنان جەتى جۇزدەي بالدىرعان قاناتتانىپ ۇشىپ, قازاق مەكتەبىنىڭ تابالدىرىعىن اتتادى. ولاردىڭ الدى ەكى مۇشەل جاستان اسىپ وتىر.
ءسابيت مۇقانوۆ اتىنداعى قازاق سازدى-دراما تەاترىندا اتالىپ وتكەن سالتاناتتى جيىندا پەتروپاۆل قالاسىنىڭ اكىمى نۇرجان اشىمبەتوۆ بالاباقشانى جوندەۋگە 10 ميلليون تەڭگە دەمەۋقارجى بەرىلگەنىن ايتا كەلىپ, كومپيۋتەر سىنىبىن سىيلادى. ءبىر توپ ءتالىمگەرگە العىس حات تابىس ەتتى. تاعى ەكى بالاباقشا پايدالانۋعا بەرىلەتىنىن جەتكىزدى.
وسىندا تاربيە الىپ, قازىر قازاق گيمنازياسىندا وقىپ جۇرگەن ەكاتەرينا جۋكوۆا تامىلجىتا ءان سالىپ بەردى.
ءومىر ەسقالي.
سولتۇستىك قازاقستان وبلىسى.