الماتىداعى پەدياتريا جانە بالالار حيرۋرگياسى ورتالىعىنىڭ بىلىكتى حيرۋرگى كونستانتين حايروۆ تالدىقورعانداعى وبلىستىق بالالار اۋرۋحاناسىنا رەسپۋبليكالىق سانيتارلىق اۆياتسياسىنىڭ تىكۇشاعىمەن جەدەل اتتانىپ, سارىاۋرۋ, ءوت جولدارىنىڭ اسقىنعان ەحينوكوككوزى دياگنوزىمەن جاتقان 13 جاستاعى بالاعا كۇردەلى وتا جاسادى.
بۇل وتانىڭ ەرەكشەلىگى ءوت جولدارىنداعى ەحينوكوكك قۇرتتارىن وقشاۋلاۋدىڭ سيرەكتىگىندە. الەمدىك دەرەكتەرگە سۇيەنسەك, وسى وقشاۋلاۋدىڭ كەزدەسۋ جيىلىگى بىرىنشىلىكتى ەحينوكوككوزدار اراسىندا 0,13-0,48 پايىزدى قۇرايدى. قىسقاسى, ناۋقاستىڭ ءوت جولىن ءپارازيتتىڭ ءحيتيندى قابىقشالارى بىتەگەن. وتانىڭ كۇردەلىلىگىنە قاراماستان, ءوت جولدارى جانە باۋىرداعى ەحينوكوككوزدى الۋ ارەكەتى ءساتتى ءوتتى.
ءوت جولدارىنىڭ كۇردەلى ەحينوكوككوزدى اۋرۋى شەتەلدەردە ءجيى كەزدەسكەنىمەن, قازاقستاندا مۇنداي پاتولوگياعا شالدىعۋ جاعدايى وتە سيرەك. سوندىقتان ول سيرەك جاسالاتىن اۋىر دا كۇردەلى وتا بولىپ سانالادى. مۇنداي كۇردەلى وتا ايماقتاردا جاسالمايدى.
سونىمەن اۋىر دا كۇردەلى وپەراتسياعا وبلىستىق بالالار اۋرۋحاناسىنىڭ حيرۋرگ-دارىگەرلەرى دە قاتىستى. بىلىكتى دە جوعارى ساناتتى دارىگەر, مەديتسينا عىلىمدارىنىڭ كانديداتى, پەدياتريا ورتالىعىنىڭ حيرۋرگيا بويىنشا ديرەكتور ورىنباسارى كونستانتين حايروۆ قيىن وتانى جاساي وتىرىپ ءارى ايماقتىق دارىگەرلەرمەن تاجىريبەسىمەن ءبولىستى.
ايناش ەسالي,
«ەگەمەن قازاقستان»
الماتى