سيريادا رەسەي فەدەراتسياسىنىڭ كا-52 تىكۇشاعى اپاتقا ۇشىراپ, ەكى ۇشقىش قازا تاپتى. بۇل تۋرالى رەسەي فەدەراتسياسىنىڭ قورعانىس مينيسترلىگى حابارلادى.
«سيريا اراب رەسپۋبليكاسىنىڭ شىعىس اۋداندارىندا جوسپارلى ۇشۋ تاپسىرماسىن ورىنداۋ كەزىندە رەسەيلىك كا-52 تىكۇشاعى اپاتقا ۇشىرادى. سالدارىنان ەكى ۇشقىش وپات بولدى», - دەلىنگەن مينيسترلىكتىڭ حابارلاماسىندا.
سونداي-اق, ىزدەۋ-قۇتقارۋ توبى ەكى ۇشقىشتىڭ مايىتىن بازالىق اۋەجايعا جەتكىزگەنىن ءمالىم ەتتى.
الدىن الا بولجام بويىنشا, اپاتقا تەحنيكالىق اقاۋ سەبەپ بولۋى مۇمكىن.