وڭتۇستىك قازاقستان وبلىسىندا 7 مامىر - وتان قورعاۋشىلار كۇنىنە ارنالعان مەرەكەلىك ءىس-شارا بارىسىندا شىمكەنت قالاسىنىڭ اكىمى ن.ساۋرانباەۆ ەلدىڭ قورعانىس قابىلەتىن كۇشەيتۋگە, ۇلتتىق قاۋىپسىزدىكتى قامتاماسىز ەتۋگە ۇلەس قوسقان 21 ازاماتتى ء«مىنسىز قىزمەتى ءۇشىن» مەدالىمەن, وبلىس اكىمىنىڭ گراموتاسى جانە العىس حاتىمەن ماراپاتتادى.
ەلىمىزدىڭ وڭتۇستىك قاقپاسى شىمكەنت گورنيزونىنا قاراستى 10 اسكەري قۇرىلىمدىق ءبولىم وڭتۇستىك شەكارانىڭ تۇتاستىعى مەن تىنىشتىعىن ساقتاۋدا قىزمەت ەتۋدە. سونداي-اق, وڭتۇستىك وڭىردە اسكەرگە سۇراناتىن جاستاردىڭ قاتارى وتە كوپ.
بيىلعى كوكتەمگى مەرزىمدە 2 مىڭعا جۋىق ازامات اسكەرگە اتتانادى. بۇل ەلىمىزدىڭ باسقا وڭىرلەرىمەن سالىستىرعاندا 2-3 ەسەگە دەيىن ارتىق. وقو قورعانىس ىستەرى جونىندەگى دەپارتامەنتىنىڭ باستىعى, پولكوۆنيك ت.الىقۇلوۆتىڭ مالىمدەۋىنشە, قازىردىڭ وزىندە قر ۇقك شەكارا قىزمەتىنە 500-گە جۋىق, مەملەكەتتىك كۇزەت قىزمەتىنە 26 ازامات جونەلتىلگەن. جالپى قر قارۋلى كۇشتەرىنە 700-گە جۋىق, ۇلتتىق ۇلانعا 1000-عا تارتا اسكەرگە شاقىرىلۋشى جونەلتىلمەك.
مەرەكەلىك ءىس-شارا سوڭىندا جينالعاندار «وتار» اسكەري بازاسىندا وتكەن سالتاناتتى شەرۋدى تىكەلەي ەفيردەن تاماشالادى.
ەركىن دوسىمباي, وڭتۇستىك قازاقستان وبلىسى