شارانى قوستانايداعى Steppe Riders MCC موتوكلۋبى ۇيىمداستىردى. موتواۋەسقويلارى الدىمەن قالاداعى "ABC” اۆتواۋەسقويلار مەكتەبىنىڭ وقۋ-تاجىريبە الاڭىنا جينالدى, ولارعا جول ەرەجەسىن ساقتاۋ جانە موتوتسيكلدى ايداۋ تۋرالى ساباق جانە سول جونىندە بايقاۋ ءوتتى.
شارانىڭ ەكىنشى بولىگىندە موتوتسيكل اۋەسقويلارى قوستاناي ورتالىق داڭعىلدارىمەن قالانىڭ ەكىنشى شەتىنە دەيىن ءجۇرىپ ءوتتى. Steppe Riders موتوكلۋبىنىڭ پرەزيدەنتى الەكساندر نام شاراعا قاتىسقان موتواۋەسقويلارىن قۇتتىقتادى جانە ساپارعا شىعار الدىندا جول-قوزعالىس ەرەجەسىن تاعى دا ەسكە سالدى.
«مۇنداي اكتسيانى وتكىزۋىمىزدىڭ ماقساتى موتوتسيكل ايداۋعا اۋەس جاستاردىڭ ەسىنە بۇل كولىكتىڭ قاۋىپسىزدىگىن تاعى ءبىر ەسكە سالۋ بولدى. سونىمەن قاتار اۆتوموبيل جۇرگىزۋشىلەرگە كۇن جىلىعان سوڭ, كوشەگە موتوتسيكل اۋەسقويلارىنىڭ شىققانىن, ولارعا دا جول-كولىك ەرەجەسىن بۇزباۋدى ەسكەرتۋ بولاتىن. بۇل دا جول ەرەجەسىنە ساق بولۋدى, جول-كولىك وقيعاسىنىڭ الدىن الۋعا سەپتىگىن تيگىزەدى دەپ ويلايمىز», دەدى الەكساندر.
موتواۋەسقويلار شاراسىنا قاتىسۋ ءۇشىن وبلىستىڭ وزگە دە قالالارىنان موتوتسيكلشىلەر كەلدى.
– رۋدنىي قالاسىنان 15 موتواۋەسقويلارى كەلدى.رۋدنىي قالاسىندا موتواۋەسقويلارى كوپ. ولاردىڭ كوپشىلىگى نيەت بىلدىرگەن شاراعا بۇل جولى كەلە المادى. بىراق رۋدنىيلىقتار قوستانايدا وتەتىن شاراعا جىل سايىن قاتىسىپ وتىرادى, – دەدى دميتري سالمين.
50-دەن اسا موتواۋەسقويلارى قالاداعى اباي, گاشەك, ماياكوۆسكايا, قايىربەكوۆ كوشەلەرىمەن ءجۇرىپ وتىرىپ, فينالعا جەتتى.
ءنازيرا جارىمبەت
«ەگەمەن قازاقستان»
قوستاناي