«اداي اتا – وتپان تاۋ» تاريحي-مادەني كەشەنىندە «ەر ەسىمى وشپەيدى ەل ەسىنەن» اتتى ءداستۇرلى پاتريوتتىق-تانىمدىق شارا وتكىزىلدى. شارانى «وتپان» مكقك قىزمەتكەرلەرى ۇيىمداستىردى. شاراعا ماڭعىستاۋ اۋداندىق قورعانىس ىستەرى جونىندەگى ءبولىمىنىڭ جانە اۋداندىق جاستار رەسۋرستىق ورتالىعىنىڭ قىزمەتكەرلەرى, ە.ايشۋاق ۇلى اتىنداعى ورتا مەكتەپ وقۋشىلارى, سوۆەت وداعىنىڭ باتىرى, جەرلەسىمىز جۇماعالي قالدىقاراەۆتىڭ تۋىستارى قاتىستى. شارانىڭ ماقساتى – جاستارعا پاتريوتتىق رۋحتا تاربيە بەرۋ, ۇلى وتان سوعىسىندا شاھيت بولعان كوپشىلىك جۇرت ءالى دە بىلە بەرمەيتىن باتىرلارىمىزدى, ولاردىڭ ەرلىگىن ناسيحاتتاۋ.
كەزدەسۋگە اقتوبە قالاسىنان ارنايى كەلگەن باتىردىڭ تۋىس ءىنىسى تىنىشتىق سۇلتان ۇلى جۇماعاليدىڭ مايدانعا قالاي تاپ بولىپ, قالاي ەرلىك كورسەتكەنى تۋرالى ايتىپ وتسە, جۇماعاليدىڭ اعاسى قۋانعاليدىڭ قىزى ماقپال ونىڭ بالالىق, جاستىق شاعى تۋرالى, ال رۋلاس اعايىنى, جۋرناليست قوسامان جايلى 2017 جىلى مامىر ايىندا سوۆەت وداعىنىڭ باتىرى ج.قالدىقاراەۆتىڭ ەرلىكپەن قازا تاۋىپ, جەرلەنگەن جەرىنە زياراتتاۋ ماقساتىندا ۇيىمداستىرىلعان ساپار ماڭعىستاۋ – موزىر اۆتوكەرۋەنى تۋرالى ايتىپ بەردى جانە سول ساپاردا تۇسىرىلگەن فوتوسۋرەتتەردى كەشەن مۇراجايىنا تارتۋ ەتتى.سولارمەن بىرگە اۆتوكەرۋەنگە قاتىسقان كاسىپورىن ارداگەرى, «مادەنيەت سالاسىنىڭ ۇزدىگى» د.ارالباەۆ مەن اۋداندىق قورعانىس ىستەرى ءبولىمى باسشىسىنىڭ ورىنباسارى قايرات مىڭباەۆ سويلەپ ءوتىپ, كەشەن قىزمەتكەرلەرىنە باتىرلاردى ەسكە ساقتاۋ جانە دە باسقا ءتۇرلى پاتريوتتىق شارالاردى ۇنەمى ۇيىمداستىراتىندارى ءۇشىن العىس ايتىپ, قاتىسۋشىلاردى وتان قورعاۋشىلار كۇنى جانە ۇلى جەڭىس كۇنى مەرەكەلەرىمەن قۇتتىقتادى.
شارا سوڭىندا باتىردىڭ تۋىس ءىنىسى تىنىشتىق سۇلتان ۇلى بەلارۋسسيانىڭ موزىر قالاسىنداعى باۋىرلاستار زيراتىنداعى جۇماعاليدىڭ جەرلەنگەن جەرىنەن الىنعان ءبىر ۋىس توپىراقتى بولاشاقتا كەشەندە اشىلاتىن «باتىرلار الاڭىنا» ورنالاستىرۋ ءۇشىن كەشەن قىزمەتكەرلەرىنە تاپسىردى. اتاۋلى شارادا ە.ايشۋاق ۇلى اتىنداعى ورتا مەكتەپ وقۋشىلارى شاڭدىباي جارقىل, ءدىناسىل ايدىن, التىنبەك اياۋلىم جانە قاتىسۋشىلارعا قازاقستان كومپوزيتورلارىنىڭ پاتريوتتىق اندەرىن ورىنداپ بەرىپ, كوپشىلىكتىڭ العىسىن الدى.
جومارت ايداربەك,
ماڭعىستاۋ وبلىسى